[...]
In le instruction de linguas illo   | In instruirea lingvisticã ea
presenta un via rapide              | reprezinta o cale rapidã de acces
al vocabulario international        | la vocabularul international
(in le gymnasios svedese un         | (materie de studiu independenta
subjecto independente) e un         | in liceele suedeze) si o
excellente preparation pro le       | pregatire excelentã pentru
studio de linguas romanic e in      | studiul limbilor romanice si in
le studio avantiate del anglese.    | studiul avansat al englezei.

    Le romaniano es un belle lingua; le declinationes sue e le uso del
articolos juncte al fin del parolas es un interessante disveloppamento de un
lingua neolatin-oriental que non ha comparation con los de lingua
neolatin-occidental.
    Io rememora que durante le tragic dies del revolution in Romania e con
le cadita del regime communista io discoperiva le sonos del  romaniano per
medio del television e del radio e io era multo meraviliate de poter ben
comprehender iste lingua.
    Il ha facte semper pro me un insolite impression vider como in un terra
assi lontan ab Roma ha potite mantener un identitate linguistic neo-latin,
illo es un insula neo-latin in le medietate de plure paises slave.
    Nam io es linguisticamente multo curiose io trova in mi encyclopedia
iste nova in re le romaniano: "In le romaniano le principale typos dialectal
son quatro: le dacoromaniano (super le ripa leve del Danubio, in Moldavia,
Valacchia, Transilvania, Bucovina, Bessarabia) cuje le typo valacchian
constitue le modello litterari national; le macedoromaniano o aromaniano, in
le fasce meridional; le meglenoromaniano in un area restricte a nord de
Thessalonica; le istroromaniano que supervive in alicun villages istrian".
    Nunc io face alicun questiones al amicos romanian: an quales son le
differentia linguistic inter iste quatro typos de romaniano? Si in Romania
on ha un realitate linguistic e dialectal multo complexe como on nos trova
in Italia? Io non sapeva que un typo de romaniano se parla hodie in Istria,
como isto ha potite advenir? Le Istria, historicamente ha semper essite sub
le domination venetian super toto in le citates in le quales on parlava e on
parla le italiano e etiam un dialecto istrian, e de cultura slave in le
campania istrian.

    Romanianmente Vostre!

    Luca Ghitti