2005/9/5, Stanley Mulaik <[log in to unmask]>:
> Departimento del Securitate
> del Patria, non sapeva lo que occurreva super le
> terra in New Orleans. 

Le "terra"???
Ni tamben sapeva illes lo que occurreva super le
"aqua" in New Orleans... Qual horror vide uno in
le novas del television! Le povre gente sin saper
quando le adjuta venirea! E que nunquam veniva
in tempore pro alcunos de illes.

In le radio io audiva un senior qui parlava del 
experientia de un collega qui surpervisa un
del centros de emergentia, ille non poteva 
entrar in le citate a causa del ordines per le
militares e lor  "checkpoints" de guardia. 
Su matre esseva trappate in un clinica de
reposo pro gente ancian. Illa habeva un 
telephono mobile e su filio poteva contactar
la assi miraculosemente. Le martedi illa petiva le
"veni e rescatta nos", su filio diceva "Si, mama
le adjuta veni, illes dice que va venir", 
Le "mercuredi" ille promitteva "Si, le adjuta veni, 
illes va venir" e le ancora le militares non veniva,
ma le aquas si veniva, e durante isto le Militares
promitteva ir, e le filio diceva a su matre
le jovedi, "illes promitte que va venir pro le
gente in le clinica, mama". Le vespere del 
jovedi veniva e le povre mama diceva como
illes non habeva mangiate e le aquas continuava
crescer in le clinica. Le filio in lacrimas diceva
la "illes dice, deman, mama, illes veni, illes va
rescattar te, mama, non te succumbe" ille implorava
la con furia contra le militares e lor promissas, 
le venerdi veniva e il non habeva telephonata,
illa e incontabile alteres moriva le matino del
venerdi, e troppo tarde le rescatto veniva. Le
collega que contava isto plorava, e plorava
quando contava isto in le radio per telephono
mobile a un reportero de NPR (National 
Public Radio). 

Le "Mayor" del citate de New Orleans diceva
tote sorte de insultante terminos in referentia
al responsa per le FEMA, le Administration 
politic e le Militares, in vivo in un canal de 
radio per connexion de telephono mobile.

Multe personas qui habeva cercate refugio in
le centro de conventiones, qui esseva troppo
vetere o debile pro poter fugir in tempore
non habeva adjuta e illes passava dies in lor 
urina e substantias fecal a causa de non haber
qui voleva o poteva adjutar les. Alcun de illes
moriva illac. 

Quando le Presidente Bush II visitava le area
de Mississippi ille pareva obviemente insultate
per le demanda de un reportero qui habeva le
temeritate de suggerer que forsan le facto de
haber un tertie parte del Guardia National del
statos affectate in le servicio active in Iraq haberea
influentiate que le responsa veniva tarde.

Ma le "guardias de chassa", illes qui patrolla
le bayous con le barcas qui ha ille motores
que pare un ventilator gigantic al retro del barca,
illes qui non videva necun ordines pro facer alco
decideva que illes intrarea le citate de New Oleans
per barca e facerea lo que illes poteva, assi illes
veniva intro le citate e videva multissime gente in
necessitate, tunc illes comenciava adjutar le
gente a escappar le aqua, illes travaliava sin
dormir, le unic traffico in le partes inundate
in le citate, con iste barcas illes vadeva de hic
a illac, con superviventes e portava les a partes
sec del citate, le gente plorava e regratiava les,
quando un reportero de television, del programma
de CBS "60 minutes" demandava les que faceva
illes, illes offereva inseniar les, le reportero diceva
como le barcas de vice a vice colpava e collideva
con corpores de mortos, ma le guardias de chassa
non poteva stoppar, proque ille personas vivente
necessitava les, assi illes rescattava centos e
centos de personas, in varie barcas. Le multitude
de iste refugiatos non poteva fugir lor casas a causa
de esser vetule e de non haber automobile e de
que il non habeva transporto public pro evacuar les
a un sito secur. Regrettabilemente, depois le
huracan, le die depois que le tempesta habeva
passate, necun servicio de rescatto veniva, e le
die sequente, le pariete de retention del canal
finalmente se rumpeva catastrophicamente e le
aquas inundava un grande parte del citate.

Nunc le militares pensa ir de casa a casa e 
trovar superviventes. Illes sin dubita causara
incredibile destruction in iste actiones de 
rescatto que veni troppo tarde jam un septimana
depois que le tormenta passava.

> Vive de mi sofa ante le television in Atlanta!

Con multe tristessa e dolor 
de corde incredibile, in vivo 
usque mi distante casa in
le montes de New Hampshire.
Jay B.

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================