>
>From: jo <[log in to unmask]>
>Subject: Re: Le false theoria del evolution un systema racista e
> philo-communista
>
>Daniele Nicolucci (Jollino) wrote:
>
>> Il giorno 11 nov 2004, alle 19:18, jo ha scritto:
>>
>>> Si nos pensa que le theoria del selection natural dava
>>> inspiration al systema de elimination e selection del racia arian
>>> operate per Hitler [snip]
>>
>>
>> Isto me pare absurde. Il es como dicer que, viste que Enrico Fermi era
>> le pioniero del studios re atomos, le chimica es le causa de armas
>> nuclear.
>
>Si forsan tu ha ration Daniele, nos non pote connectar le duo cosas
>effectivemente, totevia nos debe recordar in particular que Hitler
>quando in le "MEIN KAMPF" , scribeva sur le puressa del racia human,
>ille esseva sustenite per le "Movimento Eugenetic" que era sustenite per
>le varie 'scientistas' pro-evolutionistas, qui affirmava le capacitate
>del homine de poter inter-ager in le historia pro meliorar le evolution
>human.
>
On non pote judicar le validitate del currente theoria del evolution per
errores facite per certe theoristas del 19me seculo. Il es ver que ante
1940 le movimento del eugenica esseva popular inter certe scientistas.
Mais illes ha functionate sub certe assumptiones erronee que geneticos
postea ha revelate: le eugenicos ha credite que il es facile de eliminar
un characteristica mal del population per simplemente interdicer le
reproduction de illes qui lo possede. Mais le preponderantia de
characteristicas mal es transmittite al sequente generation per genes
recessive, que require que pro manifestar le characteristica que le
persona recipe le gen mal de ambe su parentes. Si ille/a recipe solmente
un tal gen, le characteristica non es manifestate. Si un characteristica
mal recessive occurre in solmente un parve proportion del population,
il va requirer centos de generationes pro eliminar tal gen del population
per interdicer le reproduction de illes qui lo possede. Le gen remane
celate in multe personas qui non manifesta le characteristica mal, e le
probabilitate que illes va maritar un altere persona qui equalmente ha
solmente un gen e non monstra le characteristica es equalmente basse.
E finalmente que duo parentes qui equalmente possede solmente un gen
recessive pro le characteristica va producer un filio que es homozygose
con duo genes pro le characteristica mal es solmente 1/4. De plus 1/2 de
lor filios pote haber un del mal genes recessive e non monstrar le
characteristica mal. Assi, le gen va continuar in le population in
quasi le mesme proportion como antea, mesmo si on ha interdicte tote
personas que monstra le characteristica de maritar e reproducer. Pro iste
rationamento le geneticos ha abandonate le eugenico como un politica
social. Le eugenico non es practic in su efficacia pro justificar le
general elimination de personas qui monstra un characteristica mal o le
interdiction de lor reproduction con sterilization. Mais le facto que il
habeva un movemento eugenic basate super false assumptiones que illes
poteva eliminar facilemente mal characteristicas per eliminar le
reproduction de personas qui monstra le characteristicas, es irrelevante
al validitate del theoria del evolution. Il es ver que un programma
eugenic haberea un effecto in reducer le proportion de un gen in un
population si le programma esseva effectuate pro centos de generationes
--que in le scala de tempore de evolution es possibile. Mais le
politica social require resultatos que es plus immediate.
>
>Francis Galton, cosino de prime grado de Robert Darwin (1809-1882),
>continuante le studios sur le evolution ex le puncto de vista
>Anthropologic, appellate "Eugenetica" (1883) (ex le greco que significa
>bon nascentia), sustene in effecto que le characteres positive de
>homine, qual le intelligentia superior a illo animal, poteva esser
>accentuate eliminante ex le racia le characteres negative, exactemente
>como on habeva jam facite pro meliorar alcun racias animal.
>
Io ha studiate le vita de Galton, legente plure biographias de su vita,
e il es ver que ille credeva que per elimination de personas con
characteristicas negative on pote meliorar le racia. Ille e su
amico le grande statistico Karl Pearson ha fundate le jornal "Eugenics"
que es ancora un major jornal, mais illo ha longemente abandonate le
programma social de Galton e Pearson, e ora concerne le genetica human de
un puncto de vista de provider le informationes scientific pro dar
consilio a individuos super le probabilitate que illes o lor filios
va monstrar un characteristica mal. O le information es usate in
guidar le tractamento de maladias heritabile per identificar le genes
e lor function physiologic que es responsabile pro le maladia.
>
>Anque le sociologo Herbert Spencer (1820-1903), qui esseva qui
>diffundeva le parola "evolution", (Darwin in veritate non lo usava
>nunquam), arrivava a justificar, sur le base del principio del
>selection, le guerras imperialistas del Anglaterra e del altere paises
>industrialisate pro le colonisation del paises scientificamente
>subdevellopate.
Isto es irrelevante a un comprension del theoria del evolution hodie.
Herbert Spencer non mesmo sapeva de genes e chromosomas. Su ideas
esseva multo primitive. Proque tu usa iste personas? Ha tu studiate
le evolution in textos de evolution per personas altere que Richard
Dawkins? Quando tu usa un texto per un mussulman, qui es in probabilitate
tanto fundamentalista como certe christianos in creder su textos sacre
litteralmente, isto non suggere que tu sape multo super evolution.
>
>Esseva proprie le causa de iste escalation scientista del modellos
>interpretative del evolution, que Alfred Russel Wallace (1823-1913 - le
>qual con Darwin publicava le theoria evolutionistic), post le morte de
>Darwin, decideva de non acceptar le theoria del evolution, al qual ille
>ipse habeva date un initial contribution e lo refusava per conscientia.
>Wallace diceva que si le theoria del selection del melior esseva ver,
>alora le evolution natural haberea debite conducer a diminuer le numero
>del racias vivente, in vice de conducer al nascentia de nove species
>mutante.
Quanto specie del genus Homo existe ora?
Mais le generation de nove
specie es le resultato de movimentos de populationes a nove locos
con nove fortias de selection pro distincte characteristicas. O le
cambios in le ambiente introduce nove fortias del selection. Le terra
cambia lentemente mais ineluctabilemente como le resultato del
entropia local, e isto introduce lentemente cambios in varie locationes
que produce nove fortias del selection. In le interim le sol continuamente
introduce le energia al terra, facente possibilemente le complexification
de specie per evolution contra le influentias local del entropia.
>>> Darwin considerava gli Europei bianchi pił
>>> "avanzati" rispetto alle altre razze umane.
>>
>>
>> Isto pote anque esser ver, ma il non me resulta que in scholas on
>> insenia que 'blancos es plus avantiate que nigros'. In veritate il es
>> tote le contrario: io non sape quante annos ha tu, ma io ha 20 annos e
>> in tote le grados de schola que io ha frequentate, on me inseniava le
>> respecto pro altere populos e que le differentia inter le color del
>> pelle non es plus importante que le differentia inter le color de
>> capillos. Pensa que on nos corrigeva quando nos diceva "peronsas de
>> racias differente", con "personas de ETNIAS differente".
>> Forsan in le passato on inseniava cosas raciste in scholas, ma io
>> nunquam lo audiva (a parte in le epoca fasciste, certo!).
>
>
>Effectivemente hodie nos vive in un mundo con multo bon sentimentos,
>grande tolerantia e libertate pro totos,e isto es bon, ma
>regrettabilemente tote iste cosas non esseva assi in le passato, tu ha
>20 annos e anque io un vice le habeva, mais le cosas in le passato
>esseva multo diverse.
>Il es ver que nos non pote accusar Darwin per esser le causa del
>colonialismo, del II guerra mundial, del ideologia racista del fanatic
>Hitler, del damno que le communismo ha facite al entier humanitate.
>Nos non lo pote vider como nos non pote comprender como un querco pote
>nascer e devellopar se de un parve semine.
Le scientia es autocorrective, e iste ideas que tu cita contra le evolution
ha longe essite eliminate per le 'selection natural' del processos de
scientia. Necun scientistas ver hodie crede tal cosas.
>
>Lo que nos cognosce hodie es:
>
>- le grande damnos que le colonialismo causava al humanitate.
>- le damno que causava le theorias raciste de Hitler, Mussolini, Franco,
>Salazar
>- le damno que le communismo causava al humanitate
>
>Obviemente Darwin non pote esser condemnate per le actiones de iste
>homines, ma nos non pote negar como iste theoria ha influentiate in maniera
>forte le evolution de tal eventos.
Mesmo al tempore quando illes ha facite iste cosas, le scientistas
in altere paises ha opponite le mal scientia, le pseudoscientia super
le qual tal politicas social esseva basate.
[deletion]
>
>Si le homines es descendente del animales perque ration non deberea
>illes comportar se como animales?
In certe respectos nos ja nos comporta como animales. Nos non pote
ignorar nostre esser biologic. Mais nostre cerebros es qualitativemente
differente que le cerebros del majoritate de altere animales. Mais isto
ha essite producite per le evolution, como le cerebros de tote altere
specie.
>Ma si le homines es filios de Deo alora illes debe comportar se como tal.
E per le capacitate de reflicer in pensata super nostre existentia e
comportamento nos pote comportar nos equalmente in manieras differente
que altere animales. Il non es que nos es integremente como altere
animales, e il non es es integremente como nos es non como altere
animales.
Stan Mulaik
|
