Bon die,

Mi nomine es Jeff Blakeslee. Io studiava le interlingua un anno retro, e
me ha abonate brevemente a iste lista, sed non ha aubmittite nulle
messages dum ille tempore. Le septimana passate, io ha
rediscoperite in mi computator le IED e le grammatica IALA e ha
decidite recomenciar le studio de iste lingua con plus de effortio. Ergo
io ha retornate a vostre lista e nunc tenta scriber mi prime message.

Io es americano qui habita in le citate Nove York. Plus precisemente
io habita in Brooklyn, un del cinque municipalitates ("boroughs") que
compone iste citate. Io habitava le major parte de mi vita in le citate
Syracuse, circa tres centos kilometros de Nove York.

Io ha studiate le linguas francese, russe, espaniol, chinese,
esperanto e nunc le interlingua. Studiar le linguas me place multo.

Io vos preca corriger me si vos vide hic qualcunque errores.

Pace,
Jeff