"Li essentie de Auli-Prim" es un documento valorose pro omnes interessate del historia de interlinguistica. Illo es, de facto, un re-publication de "Li essentie de Occidental" per Engelhard Pigal, publicate 1929, salvo que on ha reimplaciate in omne locos le parola "Occidental" per le neologismo frappante "Auli-Prim". Iste parve cambiamento suffice - evidentemente - pro que le Auli Univeritate Press asserar de nove le un copyright sur le obra, que probabilemente entrava le dominio public ante multo annos.

Un certe R.B. ha providite un parve biographia de Pigal. Iste es certemente Ric Berger, grande occidentalista, e - plus tarde - un figura importantissime in le movimento de IALA-Interlingua.

Amicalmente,

Chris Burd