Salute Luca!

Gratias pro un interessante information. Il sembla que le situation es simile a
illo in multe altere paises del Union. Le differentia es que Italia debe esser
tre aperte a un immigration non-controllate, illegal a causa de su enormemente
longe costa.

Il es ben possibile que multe del immigrantes singalese e marocan mesmo non
lege lor proprie linguas o solmente es analphabetas in le linguas con scriptura
latin.

Omne singaleses que io ha incontrate habeva al minus un cognoscentia multo
elementari del anglese e sapeva nostre litteras.

Il es naturalmente difficile comparar, ma on crederea que le integration es
plus simple in Italia que ci in Svedia, nam le population in italia es plus
aperte on dice, ma il es naturalmente difficile facer un comparation sin factos
real...

A vices io pensa que esserea multo plus san, si on permitterea a qui vole,
venir al paises in Europa, si le persona pote esser certe de trovar un travalio
ci. Le situation nunc es, que non importa si tu ha rationes politic, que tu es
persecutate in tu terra contra le regulas del conventiones del Unite Nationes o
que tu causa es meliorar tu stato economic, in ambe casos du debe confider te a
contrabandistas de humanos pro attinger le Europee Union, nam il non es certe
que tu pote ir al ambassada de un terra del EU e dicer que tu cerca asylo
politic, nam tu parla con le personela local qui, in le pejor caso, pote esser
confidentes del Policia Secrete in le pais del qual parola.


An on anque vide qualcosa del immigration del nord, del "heliolatras" de
Scandinavia e Anglaterra qui habita Italia pro le presentia del sol durante le
hiberno?

Kjell R
(Scribente de un Svedia plus calide que heri e anteheri. Nunc solo ? 3 grados.
)