Hodie le obreros de paisage ha finite le construction de duo muros
retentive e le interramento de tubos de disaquamento circa mi casa.
Mi casa se sede al latere de un ravina e es un poco in basso del
nivello del strata. Le proprietario previe del casa me ha dicite
que ille habeva un problema minor con le humiditate in le aere del
subterraneo del casa.  Assi io ha notate que le inclination del
terra in le fronte de mi casa ha ducite le aqua al fronte del casa,
ubi illo ha essite absorbite in le terra, e de illac a in le subterraneo.
Le solution a isto esseva a diriger le aqua foras le fundation del casa.
Io ha cercate un compania de paisage a corriger le problema, e illes
ha inclinate le terra a un latere del casa.  Illes anque ha excavate
alcun trenchas in le qual illes ha inserite tubos e aquieros pro
capturar le aqua e a diriger lo al latere del casa e al fundo de mi
terra, ubi un parve curso de aqua passa a basso de mi casa.

Le muros es un altere historia. Ambe de mi duo muros esseva
construite del traversas de ferrovia. Mais illes ha discomponite se.
Le prime esseva alte de circa 2.3 metros. In loco de facer le muros de
le traversas de nove, io ha decidite a usar le bloccos
de beton que es jungite per spinas del fibros de vitro, que ha le apparentia
de pecias del creta, mais multo magis forte. Le forma del bloccos ha cavos
pro inserer le gravella (facite de parve pecias del petra), que in parte,
liga le bloccos al un le altere.  Il ha necun mortario in le construction.
Le forma del bloccos non es quadrate mais quasi del forma de un diamante.
Assi, quando le bloccos es ponite le un super le altere con un displaciamento
de un medie blocco, il face un forma interessante quando cata blocco pare
extruder se un poco.

Le secunde muro essava plus parve e al altere latere del casa.  Usque ora
il non esseva possibile a vader al porto al subterraneo que es al
latere sinestre del muro posterior del casa per via del latere sinistre del
casa.  On sempere debe vader per via del dextra del casa.  Le obreros del
paisage ha create un muro con un grado al sinestre posterior del casa.
Ora io pote ambular plus directemente al porto al subterraneo.

Inter tanto, le carpenteros ha finite le construction del nove cameras in
le subterraneo, que usque ora esseva incomplete, sin cameras. Ora io
attende al pinctor, qui pro varie rationes non ancora ha venite quando
ille diceva que ille venirea.  Un medie de mi subterraneo es un officina
pro facer cosas del ligno. Io ancora face le lapidario e le joieles de
argento (in un maniera similar al aborigines del West del Statos Unite).

Le altere medio del subterraneo ha un grande camera de circa 8 metros x
4 metros, e duo plus parve cameras cuje portos se entra le grande camera.
Iste cameras plus parve es circa 3.8 x 3.8 metros. E il ha un parve
camera de immagazinage de circa 3.8 x 1.5 metros. Finalmente il ha un
longe, stricte camera al fin del grande camera, tanto ben pro le
immagazinage, de circa 2 x 4.5 metros.

Tote isto ha costate me le precio de 2/3 de un nove automobile. Io va
conducer mi 1989 Plymouth Grand Voyager  (un camionetta) alcun plus
annos ante que io comprar un nove.


Durante iste mesme eventos a mi casa, mi departimento del psychologia
al Instituto Georgia del Technologia ha movite se a un nove edificio. Durante
le fin del previe septimana io e mi sposa ha venite a mi officinas a Tech
pro impacchettar mi libros e archivos, e a mover mi computatores. Heri e
hodie le obreros de translocation ha venite.  Heri io attendeva tote le
die ante que le obreros ha portate le pacchettos de mi secunde officina.
Proque io habeva duo officinas, le un pro rediger un jornal, io ha
vadite de novo al departimento pro reciper le cosas de mi officina primari
a mi nove officina primari.

Io spera que isto es le fin de translocation pro plure annos.

Stan Mulaik