Kjell,
  Io pensa que le fallacia que tu face es confunder le idea
de internationalitate in interlingua con le idea del
internationalitate de un lingua e su population in su influentia in le
mundo.  

  In interlingua internationalitate es definite solmente per
le facto que il ha tres variantes similar de un parola con le mesme
senso.  Isto es le criterio del eligibilitate de entrar
le vocabulario international.
  Stillman (alora chef de recerca linguistic a IALA in 1939-1943)
e Gode diceva, in Vol II de INTERLINGUISTIC STANDARDIZATION,
le manuscripto que describeva le grammatica del 'interlingua', que
particulas non esseva generalmente international. Isto esseva lor
conclusion pois le studio facite per Gode in 1939-1940 pro Stillman
ha producite solmente 73 particulas con tres variantes in le linguas
fontal (AFIH/P). Illes habeva necessitate de  100 o plus additional
particulas. Lor studio esseva destinate a faller proque illo non
habeva bastante linguas romance ultra tres.

 Lo que face parolas international in le senso del
methodos de interlingua es que il ha tres variantes, e isto es
possible in le caso de particulas, solmente si le linguas contribuente
ha un ancestre commun de que lor particulas proveniva. Linguas 
rarmente presta lor particulas a altere linguas. Similaritate de
particulas veni quando illos descende de un ancestre commun.  Assi si tu
vole un solution objective al problema del particulas, tu debe trovar
linguas que ha un ancestre commun.  E in le caso del original linguas
fontal, solmente le tres linguas romance poteva  esser fontes de
tres particulas. Totevia illes habeva un ancestre commun in le 
latino vulgar o protoromance. Mais quando accidentes de historia 
produceva nove particulas in un o duo linguas fontal per prestatos 
de altere linguas o nove inventiones linguistic, necun solution 
international es possibile.

Mais nos vide que un ancestre possibile le plus proxime al linguas
romance moderne es le latino vulgar o protoromance de circa 700 CE.
Assi si nos vole un solution objective de aquelle lingua nos debe 
usar plus que tres linguas fontal pro le recerca, pro trovar solutiones
que eludeva un o duo linguas del original tres linguas romance. Le
particulas essera romance. Assi Catalano/Occitano es un lingua e
romaniano un secunde lingua supplementari. Illos pote superar le
deviationes accidental in le original tres linguas romance.

Io te defia producer  un melior solution pro le particulas consistente
con le methodos e principios objective de interlingua.

Amicalmente,
Stan

----- Original Message -----
> On Tuesday 25 Feb 2014 12:50:30 Kjell Rehnström wrote:
> > >> Nos es jam in discordia in re le
> > >> rolo del altere linnguas romance.
> > >> Illes non del toto es
> > >> international, illes ha quasi nulle
> > >> signification international e pro
> > >> isto sin interesse.
> > > 
> > > Il me sembla que le west es multo ben coperite per le linguas
> > > romance, e
> > > dunque le interlingua. Pro mi parte, io intende apprender tamben
> > > le
> > > interslavic, e potesser eventualmente mesme le mandarin, que
> > > coperira
> > > satis ben le est.
> > 
> > Ma le elite non invia lor infantes
> > por apprender le espaniol. Illo
> > invia su infantes pro apprender le
> > anglese.
> 
> Ben secur, mais io es multo fortunate, e le anglese es mi lingua
> maternal! Post le anglese,
> le linguas romance es le plus international, e isto es proque io ha
> volite apprender le
> interlingua.
> 
> > Il es possibile que le espaniol
> > essera plus influente.
> 
> Il es un question de un saper diverse verso un saper specific: il me
> sembla que le interlingua
> es un bon comenciamento mesmo pro qualcuno qui debe posteriormente
> apprender un
> lingua romance, a causa de su prototypicitate.
> 
> Paul
> 
> 
> --
> Pro leger le archivos e pro modificar o cancellar le subscription:
> http://listserv.icors.org/archives/interlng.html
> 


--
Pro leger le archivos e pro modificar o cancellar le subscription:
http://listserv.icors.org/archives/interlng.html