Car amicos,

Ante que Ingvar Stenström me precede, io mesme publica ora le bon nova a vos, que le 15te (dece-quinte) podcast de Radio Interlingua ha essite publicate a www.interlingua.com. Illo es intendite pro octobre 2009 (duo milles novem) e illo ha essite publicate de facto in octobre - in le ultime minuta de octobre.

Illo contine le secunde interview facite in Kirchheimbolanden, al fin del conferentia international de interlingua iste estate con le homine, qui - como ille dice in le interview - "vole accender le foco mundial" de interlingua. Ille es Sven Frank, secretario general de UMI, organisator del conferentia in Kibo e - desde le interview ja - tamben le presidente de UGI - le Union German pro Interlingua.

In iste interview al ultime vespere del conferentia nos summarisa, que se realisava e como del planos que vos poteva audir in le prime interview, facite al initio del conferentia. Ultra isto Sven Frank detalia su planos, respectivemente los de UMI pro le futuro.

Le ligamine directe pro ascoltar o discargar le emission es:

http://www.interlingua.com/node/661

Sur iste pagina vos pote lassar vostre commentarios in scripto tamben.

Bon passatempore pro vos con Radio Interlingua, que parla in interlingua: le lingua ideal pro podcasts international! :-)

Péter Kovács
redactor


__________ ESET NOD32 Antivirus - Vírusdefiníciós adatbázis: 4561 (20091031) __________

Az üzenetet az ESET NOD32 Antivirus ellenőrizte.

http://www.eset.hu


--
Archivos e disabonar: http://listserv.icors.org/archives/INTERLNG.html