Car Amicos International:

Io ha multe cosas a dicer re le electiones statounitese, ma pro
preparar lo io probabilemente necessita tote le fin-de-semana.

Io pensa que un del optime possibilitates de iste lista es que
nos pote informar personas in altere paises, e esser informate
per illos, de varie cosas--il es, per exemplo,  interessante leger
del maniera in le qual on vota in Argentina e Svedia.

Nonobstante que le election statounitese es in le notitias de quasi
omne paises, io pensa que nos qui vive in le SUA pote dar a vos
in altere paises un vista personal que, possibilemente, le notitias manca.

Ma mi punto de vista political (como, forsan, vos ha notate!) es
particularmente idiosyncratic, e non typic de mi pais. Pro iste ration,
e perque il es possibile que mi commentos non sera mandate ante
dominica o mesme lunedi, quando il non sera multe tempore ante
le election pro responder, io invita Jay B, Stan M, Alyssa StJ, Paul
LeC, Robert E, e le altere americanos in iste lista a scriber (si illes
vole) lor commentos personal re le election. In iste maniera, io spera
que vos in altere paises pote "triangular" nostre vistas pro vider plus
completemente como le electiones pare a nos in le SUA.

Io alsi vole saper como le electiones pare a vos qui non vive in le SUA.

Anarchisticamente e democraticamente,
-Jay D ("Julio")