CANES PHENOMENAL

Quatro homines discute qui ha le can plus intelligente: un ingeniero, un
experto contabile, un chimico e un functionario public.

Pro exhibir se, le ingeniero appella su can femina:

-- Regula-T, action!

Promptemente le can femina monta super un tabula, prende papiro e stilo, e
designa un circulo, un quadrato e un triangulo.

Totes, espaventate, accorda que illa es un can BASTANTE intelligente...

Mais le contabile dice que su can femina face melio... Ille appella su can
femina e dice:

-- Equation, demonstra tu capacitate!

Le can femina entra in le cocina e retorna con 12 biscuits, que illa
divide in 3 pilas de 4.

Ancora plus espaventate, totes accorda que aquello es surprendente...

Mais le chimico dice que le sue es melior...

-- Molecula, va!

Le can femina se leva, aperi le refrigerator, prende un litro de lacte, un
vitro de 300ml e pone exactemente 200ml de lacte in illo sin perder un
gutta.

Silentio... Tote le mundo resta stupefacte...

In un instante, alcuno se volve al functionario public e demanda:

-- E tu can, que face?

-- Reposo, tu vice!

Reposo salta de su angulo, mangia le biscuits, bibe le lacte, face caca
super le papiro, face sexo con le tres canes feminas, allega que su dorso
ha suffrite un lesion durante le acto, protocolla un requesta de dispensa
pro impossibilitate de travaliar e va a casa passar le resto del die in
dispensa medic...
~~~

Ensjo.

Interlingua-English Dictionary:
http://www.interlingua.com/ied/ied.php