Cara amicos,

Io es studente in le programma por scientias de bibliotheca e de
information al Universitate de Wisconsin Milwaukee. Actualmente io face
recerca re le applicationes possibile de Interlingua e altere linguas
auxiliar (como le Medžuslovjansky) como medios pro efficacemente
disveloppar le capabilitates de bibliothecarios pro manear materiales in
linguas romance, slave, etc. Io ha apprendite, naturalmente, del
experimentos al lyceo in Varberg, Sveda per clases in cognoscentia
linguistic general, ma io non ha potite trovar plus que anecdotas. Esque
ulle sape ubi io poterea trovar reportes o resultos formal de iste
programma o de iste experimentos? Le resultos essera multo importante pro
demonstrar le facibilitate del concepto de usar Interlingua pro leger
linguas romance (usque a un certo grado) con minus de maestramento que es
necessario pro aprender le major linguas national.

Io esserea anque grate, naturalmente, cognoscer altere projectos o
experimentos similar, que poterea demonstrar le capacitate de instruction
in linguas auxiliar naturalistic pro disveloppar capabilitates pro leger e
comprehender linguas "natural".

Gratias!

-Race


--
Pro leger le archivos e pro modificar o cancellar le subscription:
http://listserv.icors.org/archives/interlng.html