da[980323]
ab[[log in to unmask] (Christian Weisgerber)]
To: [log in to unmask]
su[Re: Le timite tercios espaniol! - I]
In article <[log in to unmask]> you write:
> (Usa ASCII e Courier 10 o Courier New 10 como sempre!)
> ArtÝculo 1
^
> Todos los seres humanos nacen libres e iguales en
> dignidad y derechos y,
> dotados como estßn de raz¾n y conciencia,
^ ^
> deben comportarse fraternalmente los unos con los otros.
Isto non es US-ASCII, isto es ISO-8859-1.
--
Christian "naddy" Weisgerber
[log in to unmask]
See another pointless homepage at
<URL:http://home.pages.de/~naddy/>.
o o o
[Allan Kiviaho 980328]
Servus!
Si, tu ha ration. Le culpabile es le situation miserabile
con le compatibilitate de litteras in informatica, specialmente in
interrete.
Io usa ASCII (con le fonte Courier New 10) le plus possibile in travalio
e in casa perque ASCII es le sol code que garantia - a un grado - le
compatibilitate inter varie systemas de communication.
Io travalia con le plus grande domo de medias de Finlandia
(Jornales, television, radio, interrete etc.) e nostre
corporation ha un massive rete super le tote Finlandia.
Nostre systema de posta electronic es Lotus Notes Mail e
le fonte official pro le documentos es Arial.
Io scribe mi textos in ASCII ma le Netscape 3.0 non ha un
forma ASCII (incredibilemente!) ma solmente ISO-8859-1 etc.
Netscape distorque e mutila le litteras barbaric (non-latin). Io ha
facite un systema elaborate pro converter le
textos que io obtene ab interrete retro a ASCII. Le systema
consiste de programmas que io ha facite con QuickBasic e
un plure de macros de PE (Program Editor), un vetule programma que ha 11
annos ma es ancora multo practic, anque
pro editar le messages.
Io usa "le matre de omne PIMes" (PIM = Personal Information
Manager) askSam, multo popular in Germania, pro mantener un
database extensive in mi computator. Etiam pro mantener le
adressarios, listas de WWW'es etc. Netscape etc. son multo
inefficace e inhabile pro tal fines. Le systema de
"mailgroups" e "bookmarks" de Netscape 3.0 es un farsa ma
askSam es un arma fortissime anque pro iste fines. Vide
http://www.asksam.com, si tu place.
========================
Deutschland und Finnland
========================
Io gaude de haber al minus un germano in nostre gruppo.
Como le "primus motor" in le Union Europee Germania ha un
grandissime importantia.
Le region de Mar Baltic es le region con le crescimento le
plus rapide in Europa, illo es practicamente le resuscitate
Hansa.
Germania significa multissime pro Finlandia. Nostre culturaveni ab
Germania e Svedia. Ma hodie nos son sub un assalto forte de subcultura
angloamerican. Ancora durante le 1950es germano era le plus importante
lingua estranier in le scholas in Finlandia, postea le ambe linguas
official, finnese e svedese.
Sin Germania Finlandia a pena poterea esser un nation libere. Germania
trainava quasi 2000 voluntarios finlandese in 1916--18, "Das 27.
Königliche Preussische Jägerbataillon", qui luctava in le Prime Guerra
Mondial contra le russos ante Riga, Latvia, e formate in 1918 le nucleo
(Kern) del corpo de officieros e sub-officieros del Armea Blanc
finlandese, qui battaliava pro Finlandia le libertate in le guerra de
liberation contra le russos e le armea rubie finlandese.
In nostre duo guerras contra le Union Sovietic 1939--44,
"Le Guerra Hibernal 1939--40" e "Le Guerra Continuante
1941--44") quasi omne generales e un grande parte de colonellos del
armea finlandese era veteranos de 27. königliches preussisches
Jägerbataillon.
In le battalias gigantesc sur le Isthmo de Carelia 1944
Junio-- le Wehrmacht german habeva un rolo multissime
importante. E.g.:
1. Le medie del fronte finno-sovietic era occupate per
divisiones german (250 000 soldatos german como
Waffenbrüder de 500 000 a 600 000 soldatos finlandese)
2. Le Fliegergruppe Kuhlmey (Unter Oberst, später General
Kuhlmey) con su Stukas (Junkers Ju 87) e interceptores
Focke Wulf 190. Le Gruppe Kuhlmey e le artilleria
finlandese dava un colpa fracassante al un grande
concentration de truppa cuirassate sovietic in le
grande battalia de Tali - Ihantala, que in 1944
julio essayava a rumper le linia de defensa finlandese
e avantiar a Helsinki. Le ultime essayo del armea
sovietic, a reprimer Finlandia, era le grande attacco
a Vuosalmi - Äyräpää. Le grande heroe de isto battalia
deveniva le 7e regimento de infanteria e su
commandante, colonello Adolf Ehrnrooth, qui vive ancora
in etate de 93 annos, como un general de quatro leones
("stellas"). Ille non era un Jäger. Etiam in isto
battalia le assistentia del Gruppe Kuhlmey era
remarcabile.
3. Proque le russes usava un grande plure de carros
blindate, T-34, KV (Klim Voroshilov), JSU-152 pecias de
assalto (un vehiculo monstruose con un cannon de 152
mm), il era extrememente importante de haber anti-tank
armas efficace. Le 75 mm Panzerabwehrkanone ("PAK")
german era un arma excellente, ma un pauc troppo
pesante pro le prime linea. Anti-tank armas decisive
era le nova armas german: (1) Le Panzerfaust
(panssarinyrkki, pansarnäve), un pauc tubo con
distantia le foco solmente 30 metros, ma lethal contra
omne carros blindate durante le Seconde Guerra Mondial,
e (2) Le Panzerschreck ("Ofenrohr", panssarikauhu,
pansarskräck), un arma propellate per rocchetta,
precise (plus o minus) al 200 metros. Isto armas de
battalia proxime era multo efficace e causava
perditas intolerabile a truppas cuirassate sovietic.
4. Le cannones de assalto (Sturmgeschütz) StuG III. Le
battalion de cannones de assalto german era le plus
forte unitate del Prime (e sol) Division Cuirassate
finlandese (Erste finnische Panzerdivision). A
proposito, mi oncle (ille ancora vive in alte etate)
era un cannoniero (Richtschütze) in StuG III. In le
dies critic Germania inviava al Isthmo de Carelia
un brigada (actualmente un battalion - Abteilung) de
cannones de assalto.
5. Le 122e division de infanteria german ("Division
Greif") heroicamente (durch einen heldenmutigen Einsatz)
repercuteva le truppas sovietic que habeva transversate
le Golfo de Viipuri.
6. Germania livrava in 1944 pro le fortia aeree finlandese
le interceptores Messerschmitt Me 109 a fin que le
fortia aeree finlandese poterea constantemente haber in
aere 20-30 Messerschmitts. Isto Messerschmitts faceva un
stupende record mundial: Durante 2 menses le finlandeses
non perdiva un singule avion-bombatore (German Junkers
Ju 88 e britannic Bristol Blenheim) que era escortate
per le Messerschmitts finlandese! Malgrado que le
superiotate numeric del fortia aeree sovietic era
fracassante, illes habeva ca. 1000 aeroplanos al
Isthmo de Carelia. Ma le pilotas finlandese era
extrememente experte perque illes habeva essite in
guerra desde quasi 5 annos e habeva un colossal numero
de horos de volar.
7. Le cannones antiaeree (88 millimetros) e systemas radar
german salvava Helsinki, nostre capital, de destruction,
specialmente durante le attaccos massive sovietic in
le primavera 1944.
Sin Germania Finlandia haberea probabilemente perdite
2 million gentes: 500 000 assassinate per le occupatores
russe, 500 000 transportate a Siberia (Stalin habeva planos
a transportar le OMNE population finlandese a Siberia postea un guerra
victoriose), 1 million perdite in un mismanagement de systema del
"socialismo real" o remanite nonnascite. In loco nos haberea 1 500 000 a
3 000 000 russos e 3 000 000 finnos (hodie nostre population es
5 000 000 finnos).
Le politica german ha essite multo pro-finlandese anque
depost le guerra. Postea le collapso del DDR Bundesrepublik
Deutschland ha armate le armea finlandese con le armas del
Nationale Volksarmee der DDR. Le armea finlandese non habeva jammais
essite si ben armate que hodie. Habente como vicino un grande potentia
multo periculose Finlandia ha trainate como soldatos quasi omne viro,
recentemente etiam voluntarios feminin, mesmo a unitates combattinte.
Germania ha energeticamente supportate Finlandia como un
membro del Union Europee, como illo hodie supporta anque
le nove candidatos, Estonia, Polonia, Czechia, Hungaria e
Slovenia.
Sperantemente nos non jammais debe facer guerra contra
Russia. Le Union Europee habe un besonia grande de gigantesc ressources
natural e human de Russia. Le idealistas del movimento paneuropee in le
1920es visionava un Europa Unite, ab Atlantico a Ural. Io visiona un
Paneuropa con frontieras ab Atlantico al Oceano Pacific, i.e. le omne
Europa, Russia (e Ukraina e Belarus) e anque Turchia con le Turkic
"commonwealth" (principalmente le nove republicas del Union Sovietic
passate). E Mongolia!
In tal CONFEDERATION DE EURASIA le plus natural lingua
commun esserea, naturalmente, INTERLINGUA.
(An alicuno murmurava que Allan es un megalomaniac ...?)
Anque sin EURASIA le Union Europee tosto essera le plus
potente factor economic del mundo. Le besonia del lingua
commun es enorme. Le directores e obreros de un parve
officina in Finlandia DEBE, absolutemente DEBE esser
capabile de communicar libremente con su partenarios in
e.g. Grecia o Portugal.
Interlingua esserea le plus bon solution.
Hodie il esserea importantissimo que Germania, le plus
potente membro del Union Europee, comenciarea supportar
interlingua como le lingua commun del Union Europee.
Le grande gruppo del parve paises in le Union Europa
de hodie, e specialmente in le futuro, non ama le idea
de habente duo linguas official in le Union: German e
francese. Interlingua es un lingua natural pro Germania,
in le IMPERIO SANCTE GERMAN-ROMAN latino era un lingua
importante e latino era usate in partes de Germania
etiam durante le 19e seculo como lingua del scientia e
juridica.
Le populos de Europa: Vamos marchar sur le bandiera
del INTERLINGUA verso prosperitate e felicitate!
Allan
Un interlinguanista finlandese
P.S.
Io ha ancestores german. Mi patre studiava in 1900--4 in
Dresden, Königreich Sachsen, e ille deveniva le prime
doctor veterinari de Finlandia (Giessen, 1904) con margine
de 12 annos. Su lingua maternal era svedese, ma ille sapeva
germano equalmente ben. Ma malgrado de que ille viveva su ultime
47 annos in un loco purmente finnese ille non jammais obteneva bon
fluentia in finnese, isto lingua extrememente complicate ma anque
extrememente precise e con pronunciation de latino classic (si on oblida
de phonemes barbaric ä e ö).
Allan le barbaro
P.S. P.S.
Nostre familia ha visitate le DDR, Meissen e Dresden, tres vices (1974,
1977 e 1990) durante le bon tempores de Sr. Erich Honecker. Nostre
filia, 29, ha dansate ballet 23 annos e illa es nunc inseniante e
choreographor de ballet e dansa, educate in le universitate de theatro.
In 1990 illa
studiava in der Palucca-Schule, Dresden, un schola de ballet de fama
universal.
Illa arrivava Dresden quasi al die 90 annos plus tarde como su
grand-patre. E illa quartierava proximo (al est) de Königliches Garten,
solmente alicun cento metros de quartiero su grandpatre. Illa divideva
su camera con tres francophone puellas ex Suissa.
Illas visitava cata die un gemütliches cafeteria (Eiscafé) "Iglu". Le
favorite de puellas era un portion con tres ballas de gelato e liqueur.
Mais tunc occurreva le Währungsunion (union monetari) con le
Bundesrepublik.
Le consequentia: In iglu le portion con le mesme nomine consisteva
solmente un balla de gelato, le liqueur habeva
disparite e le precio era nunc tres vices plus alte.
Nostre filia scribeva un articulo super su experientias
in Dresden in "Hufvudstadsbladet", le prime organo del
Finlandia svedese.
Plus tarde durante le grande competition internatioinal de ballet in
Varna, Bulgaria, le famose eminentes de ballet de DDR tractava nostre
filia multo cordialmente.
Le patre del matre de quasimarito de nostre filia era un
germano, cuje patre era un diplomato german in Finlandia.
Reposa in pace, Genosse Erich e le DDR ...
Genosse Allan
|
