Salute, Stan, gratias pro inquirer pro me...
Si il ha un incredibile tempesta glacial hic in Nove
Angleterra, infelicemente io alsi ha essite infirme
con un infection bacterial. Il pare que un "bug" ha
infiltrate mi corpore e facite su casa in mi systema
pneumonic :-p
In le television io vide arbores que esseva plen de
glacie e se cadeva super autos e casas e lineas
electric, toto un disastro... Mais con le infection
io solmente vadeva al clinica e depois a casa.
Io me senti multo triste pro le povre Ensjo que
suffre con le maladia de febre dengue, in le
revista "Evelia!" io legeva como illo es tanto
debilitante. Io vole comendar a Zjan que adjuta
a nostre car Ensjo a meliorar se. Per favor
Ensjo, nostre car amico, obtene bon animo
"Emerzinho!", nos omne al lista te manca e
io preca pro tu veloce recuperation!
Etiam io vole dicer un grande salute a nostre
nove subscribentes! BENVENITE!
Pro quasi un septimana nunc io esseva sin poter
leger mi messages e-postal e nunc il ha 908
messages pro leger, ay ay ay! Mi computator
esseva in le studio, e io debeva restar al
lecto o a vices al sofa pro vider le CNN. Hodie
io habeva plus fortia e poteva disfacer le connexion
al studio e poner le computator in le salon.
Le Doctor me Rx'ava un inhalator "Proventil" pro
aperir mi tubos bronchial, e un antibiotico pro
occider le "bugs" e pilulas e un sirop con codeina...
io non sape si il es le combination o solmente
le codeina, mais io es tanto exhauste que io face
omne como in "slo-mo", motion lente, como un
astronauta in le luna o como un bradypo, "sloth",
in le arbore.
Pensar o concentrar me in alco es a vices un
defia, mais mi senso de humor es illese, o forsan
le codeina functiona troppo ben.
Mais un pauc plus seriemente io vole adressar
le question del -mente, non psychologicamente,
mais adverbialmente, io crede que como dice
Leland il pote esser multo poetic dicer que le
sol se leva belle. Si il se leva de iste maniera,
como si illo pare belle in se ipse mais si il se
leva in un maniera belle in su motion con gratia
illo esserea bellemente que se leva, nonne?
Hic lo que diceva Gode in re le sol quando se
leva, io pensa que explica ben mi condition de
pigressa :-)))
"'Le sol dice: "Io me apella sol. Io es multo brillante.
Io me leva al est, e quando io me leva, il es die. Io
reguarda per tu fenestra con mi oculo brillante
como le auro, e io te dice quando il es tempore a
levar te. E io te dice:
'Pigro, leva te. Io non brilla a fin que tu resta al lecto
a dormir, sed que tu te leva e labora, que tu lege e
que tu te promena.'"'
[per A. Gode in un quotation in "One Language for
the World", per Mario Pei]
Infortunatemente io crede que le sol es multo folle
in respecto al maladias... Le povre non comprende
quanto difficile il es levar se alcun matinos, specialmente
le lunedi al comenciar le septimanas :-)
Ay ay ay, io comenciava jam duo horas a scriber iste
curte message e nunc il es tempore de terminar lo.
Allegra omnes!
Jay B.
[log in to unmask] [log in to unmask]
http://adam.cheshire.net/~jjbowks/home.html
~~~~~~~~~~~~~~~~~~~~~~~~~~~~~~~~~~~~~~~~~~~
-----Original Message-----
From: STAN MULAIK <[log in to unmask]>
To: [log in to unmask]
<[log in to unmask]>
Date: Friday, January 09, 1998 7:14 PM
Subject: Re: planlingua?
>> Si vos es un experte in Klingon, vos es juvene e "wierd"
:-)
>
>Quando io scribeva ille supra io sentiva alco vertiginose del
exhaustion
>post leger approximatemente 90 e-postas in le die.
Fortunatemente le
>servitor a auxlang ha subitemente cessate su processamento del
messages,
>e io ha recipite como consequentia le normal numero de messages
hodie.
>
>Le novas al television dice que un grande tempesta in Nove
Anglaterra e
>Est Canada ha disrumpite le electricitate a centos de milles de
casas
>in ille region. Le restauration del electricitate
possibilemente non va
>compler se ante duo septimanas! Es isto un ration pro le
disruption de
>Auxlang e necun novas de Jay Bowkes?
>
>Stan Mulaik
>
|
