Le decime sexte conferentia international pro
interlinguistas habera loco in Bulgaria inter 8 agosto
e 16 agosto.  Ecce un possibile projecto que esserea
utile pro facilitar le conversation in interlingua
inter le participantes de iste conferentia:

Forsan Thomas Breinstrup o un altere interlinguista
qui volerea facer isto poterea rediger un version
imprimite de mi curso de conversation, de maniera que
le participantes in le conferentia poterea leger
(lo)/(partes de illo) como si illes esseva actores
preparante se pro un spectaculo theatral.

De iste maniera, illes poterea familiarisar se con
diverse patronos de conversation que forsan
facilitarea lor conversationes libere posterior.

Io propone le uso de un formato in duo columnas pro le
version imprimite de mi curso.  Un tal formato
reducerea le numero de photocopias necesse pro cata
participante e, consequentemente, le costos de
reproduction imprimite del curso.

Naturalmente, io non crede que mi version proponite
pro iste dialogos es de ulle maniera "canonic" o
"optime", e le persona qui preparara le curso pro le
conferentia potera rediger los como ille/illa vole.

__________________________________
Do you Yahoo!?
Yahoo! Calendar - Free online calendar with sync to Outlook(TM).
http://calendar.yahoo.com