Car amicos!

Le logo de SSI que es designate ante plure annos per Ingvar Stenström (ma 
non ha essite usate usque al ultime anno), ha nulle connexion a UE excepte 
que il ha stellas. Al contrario io, qui cognosce Ingvar multo ben, pote 
assecurar que Ingvar mesmo quasi odia UE, e de facto ille es un poco 
annoiate per le suspicion que il ha un connexion con UE. Un altere cosa es 
que interlingua esserea un lingua perfecte pro le UE.ma isto ancora solmente 
es un sonio.
Ingvar ha date iste pensatas como explication del symbolo:
Interlingua es un ponte. Ille ponte ha duo fundamentos, le latino e le greco 
(le duo stellas sub le ponte). Le cinque stellas super le ponte es le cinque 
linguas de fonte.
Io opina que isto es un multo bon pensata e illo excusa le similaritate  con 
le bandiera del UE.
Illes qui non ha vidite iste logo pote vider lo in mi blog 
www.untorrente.blogspot.com  (a basso, sub le articulo re sculpturas in 
Varberg)

Con mi optime salutes

Erik Enfors
Vallåkergat.25
SE-432 37 VARBERG
Svedia
Tel: +46 (0)340-875 45
(Mobil: +46 (0)730  65 60 21)
Skype: untorrente
e-post: [log in to unmask]




Milliones de personas comprende interlingua immediatemente.
www.interlingua.com

----- Original Message ----- 
From: "KOVACS Peter" <[log in to unmask]>
To: <[log in to unmask]>
Sent: Thursday, October 09, 2008 8:41 PM
Subject: [INTERLNG] Proque ha le logo del SSI le symbolos del UE...?


Carissime amicos,

Io publica le sequente historia hic e non in mi blog, proque hic il es plus
de commentarios a attender.

Il ha(beva?) un prosperante interprisa in mi urbe, que se occupa(va?) con
provider le carne de aves domestic como nutrimento al mercato. Post le crise
del local interprisa simile, illo de carne “general” (non se specialisate a
aves domestic, ma a altere animales domestic) illo succedeva evitar un
collapso previe.

Post isto illo habeva un nove possessor (estranier...), ma nulle problema
era con isto, le interprisa prosperava e nulle signos de ulle crise se
demonstrava (forsan solmente lo que le boteca del interprisa in le centro
del urbe ha cambiate nomine e possessor: illo vendeva aves domestic pro
nutrimento anque in plus, ma ha devenite le proprietate e ha essite
functionate per un altere interprisa del mesme profilo, de un altere 
region).

Recentemente totevia su banca gelava su contos malgrado que le interprisa
pagava regularmente e anque con le pagamento del creditos il non habeva
problema. Illo claudeva o gelava le conto bancari de iste interprisa sin
ulle explication e ration, e rationamento. Toto era in ordine, illo non
habeva ulle causa a gelar lo. Totevia illo lo ha facite e un explication
official del banca non ha arrivate, si io ben sape, non mesmo usque le die
hodierne. Le obreros del interprisa demonstrava ante le centro local del
banca, in van: le banca non dava ulle explication. Illes demonstrava anque
in Budapest, al edificio central del banca: in van: nulle explication 
arrivava.

Le interprisa debeva clauder se, cessar le labor e cessar emplear su
obreros; actualmente illes es a “vacantias” officialmente, proque le
interprisa non pote pagar lor salarios. Le television local presentava
alicun (ex-?)empleatos, inter illas matres, qui educa lor infantes sol, sin
le patre (de novo un characteristica typic del societate hungare: multe
maritages es cessate con divorcio) e non ha ulle idea o imagination, que
occurre con illas, lor infantes, si illas in effecto deveni disoccupate post
le “vacantias” effortiate (in Hungaria feminas de etate plus que 50 annos,
io pensa, a pena pote trovar empleos in iste etate critic, quando illas
haberea ancora fortia a laborar, ma le troppo alte limite de etate de esser
pensionate es ancora lontan de illas): illas non ha altere qualification, ni
experientia in altere labores. Si io ben memora, circa 700 empleatos non ha
recipite lor salarios e tosto essera disoccupatos; e plus que 100
cultores-transportatores es toccate in iste affaire in mi urbe e in le
ambiente assi, que le interprisa non plus compra le animales de illes. E
justo recentemente io videva un montage in un television national (!) super
iste affaire local de nos. Illo diceva e anque monstrava, que a un cultor le
gallos de India batte le un le altere, proque le cultor non los ha
macellate, proque le interprisa in question, cuje transportator ille era non
plus accepta su animales. Le aves se ha multiplicate e illos es ora troppo
multe e pro isto le cultor non pote nutrir los. Per consequentia le aves
comenciava essayar mangiar le un le altere. Si ille non pote nutrir los in
plus, illos perira. Io suppone, ille anque non pote trovar un altere
partenario in le ambiente, al qual ille poterea vender su aves domestic, pro
isto anque su proprie subsistentia es in periculo.

Que nos proba vider detra le coulisses: que pote esser le scopo celate de
iste action de cessar le interprisa local de aves domestic como nutrimento?

Esque le territorio del interprisa placeva a un altere interprisa e circulo
de interesse que ha plus de potentia e lo que es international e illo vole
construer a ibi p. ex. un supermercato? Isto es assatis possibile, proque
isto es le tendentia in mi urbe: non multe annos retro on ha claudite le
fabrica de vestimentos e ora le grandissime edificios del fabrica son
vacante, occupante un grande territorio del urbe; ma recentemente on audi le
nova, que il es volite destruer lo e facer ibi construer un supermercato. E
vermente: io mesme ha vidite le edificio del supermercato futur: le
construction es comenciate. Esque importa, que il ha ja tres supermercatos
in le proximitate?! No! Nonobstante, on vole destruer anque le edificios del
interprisa de aves domestic, isto es ja certe, ben que nemo parla re isto
officialmente (le burgomaestro se tornava al ministro agricultural pro
“solver le crise”...), ma mi matre narrava, que su collega assere, que in le
village vicin ubi illa habita alicun obrero (semi-?)ebrie in le pub local
publicava le information secrete, que su interprisa de edification ha
ganiate le derecto de destruer le edificios del interprisa de aves
domestic...! E isto occurreva ja ante plure septimanas, quando ancora nulle
signo de ulle crise se monstrava!

Dunque: toto es planate anteriormente, astutemente, secretemente: le
territorio del interprisa de carnes de aves domestic placeva a alicun
interprisa international, illo se concordava con le nove possessor estranier
del interprisa de carne (o ille era su homine ja ab ovo?) e con le banca,
que illes face le interprisa declinar, face impossibile que illo pote
functionar in plus pro poter facer le edificio destruer e post alicun
tempore, quando illo non ja essera suspiciose, facer su nove edificio
construer e aperir ibi su interprisa o magazin, supermercato o qualcosa 
simile.

Naturalmente isto non es un phenomeno local; illo vale pro tote le Hungaria
depost le cambio del systema politic e economic “occurreva” (o semblamente
occurreva) in 1989 / 90: cessar le interprisas national e dar le
opportunitate al interprisas international; vender interprisas / fabricas
national a los international. E post quando le economia hungare non poteva
fortificar se assatis post le “cambio” pro poter esser concurrente del
interprisas international, le fortias estranier ha solmente le opportunitate
exclusive in le pais; illos ha moneta a realisar (comprar, etc.) toto lo que
illos vole. Ma post quando nos es in le Union Europee, iste procession se
accelerava, io crede.

Que nos vide, cuje interesse es facer le agricultura uniforme in si grande
territorio, como possibile? Cuje interesse es cessar brachios agricultural,
haber controlo super illos, facer los impossibile a functionar in su
membros-paises? Cuje interesse es haber un sol valuta in tote su territorio?
Inter alteres le Union Europee ha tote isto! Il non lo interessa, que a
causa de su manovras centos de gentes deveni disoccupate in alicun urbe e
lor proprie existentias cade in periculo?

Il es evidente, que anque le Union Europee ha le interesse de clauder iste
interprisa local del labor a aves domestic, ma que nos observa, como illo lo
ha attingite:

per un banca

(a memorar: le banca gelava le contos del interprisa sin ulle explication e
ration acceptabile, malgrado que tote le pagamentos e transactiones bancari
curreva ben). Qui son le proprietarios de iste systema bancari-monetari in
le mundo? On non pote saper, cognoscer les, illes es in le obscuritate, ma
evidentemente iste fortia invisibile collabora con le Union Europee pro
ruinar le economias (e politicas) national in le statos-membros e effortiar
su proprie “globalismo” a illos. E lo que es triste in connexion con le
bancas, que pauc personas rege tote le mundo, pauc personas vole reger le
multissime personas del mundo. E isto es nominate "democratia"...

E le Union Europee e le bancas collabora con le grande interprisas
international volente esser dominante o sol in le mercatos specific de 
illos.

Considerante tote isto io non comprende e non pote acceptar, proque appare
le univoc symbolos del UE in le logo de SSI (Societate Svedese pro
Interlingua), malgrado que le UMI – assi io crede, su membro SSI tamben – ha
declarate, que illo vole esser neutral in questiones politic e religiose. Le
UE non es neutral in le politica (illo ha un certe “politica” in un mal
senso p. ex. in iste question economic describite) e io ha le conviction,
que interlingua non es dedicate solmente pro le statos-membros del UE, como
le logo del SSI suggere, ma pro tote le Europa (mesmo pro le Europa extra le
UE, si!) e pro tote le mundo.

Fortunatemente le symbolos del UE non es includite in le logo de UMI (proque
non existe un tal), ma solmente in le logo del SSI.

Péter Kovács

--
Archivos e disabonar: http://listserv.icors.org/archives/INTERLNG.html 

--
Archivos e disabonar: http://listserv.icors.org/archives/INTERLNG.html