Le uso de Interlingua in comparation:
Kjell R.: Hodie io audiva un programma radio Människor och tro (Humanos e
fide) que pote esser interessante pro vos. Secundo "Humanos e fide" un
infirmera in le provincia Småland (pronuncia _Smoland) es vocate ante le
corte de prime instantia in Eksjö pro haber mentionate le nomines de
personas individual in su paginario (pagina domestic si vos lo vole). Bodil
Lindquist es active in su congregation, apertinente al Ecclesia statal
svedese.
Mario: Esque vos ha audite le novas per le Presidente del Conferentia
Episcopal german re le stato de sanitate del Papa?
Le Episcopo Karl Lehmann ha precisate que ille ha solmente respondite a un
demanda re le possibilitate theoric del dimissiones del Papa, quando ille
declarava in un intervista radiophonic que le Ecclesia Catholic ha
necessitate de un homine forte e que le Papa debe haber le corage de dicer:
"Io non pote plus explicar mi carga como il serea necessari."
Que facera le Papa e que facera Karl Lehmann ora que io ha nominate lores
in le rete?
Pro le leges de datos personal de omne paises illes potera facer un belle
nihil.
Il resta sol un evalutation, pro cata uno personal, pro le medio e le sede
usate per le Episcopo german.
Kjell R.: In le programma illa (infirmera) ipse dice: "Io non comprende
isto. In un jornal io ha le derecto dicer que le episcopo es un scelerato,
ma in le rete io mesmo non pote mentionar su nomine de ille!"
Secundo ille programma le pais con le plus sever leges contra le uso in le
rete es Italia. Un gruppo de armeniacos habeva protestate contra le
violationes del derectos human in Turchia e exhortava le population a
boycottar un agentia de viages turc. Illes era ponite ante un corte, si io
ha comprendite toto ben.
Mario: Io non cognosce iste facto, ma esque un gruppo de personas pote
boycottar impunite un agentia de viage, sia illo turc o de un altere pais?
Si on admitte un motivation politic, o ethnic, perque on non deberea
admitter altre motivationes?
Forsan le libertate de expression debe sequer su regulas.
Anque le terroristas revindica libertate, ma le majoritate del homines non
admitte le terrorismo.
Kjell R.: Secundo iste mesme programma, in Italia, le interprisas, e le
ecclesia catholic es protegite in le mesme maniera como personas individual
secundo le lege de datos personal in Svedia.
Mario: In Italia nos ha libertate de culto e un pluralitate de ecclesias,
anque illo musulman. Tote le ecclesias es protegite al mesme maniera de
totes le organisationes civil. Isto es ver in Italia como in le Statos
Unite de America, in Francia, Grande Britannia, o Germania, et cetera.
Le leges de datos personal es multo similar in tote le paises que es plus
progredite.
------
Kjell R.: Le pictura que le publico ha de iste cosas in Svedia es que le
Union Europee tenta, furtivemente, disconstruer le derecto del libere
parola e le transparentia que es plus grande in le paises nordic quam in
multe altere paises del Union.
Mario: Ah! Ah! Kjell, tu viola le lege de datos personal con iste
consideration pro le Union Europee, que tentarea, furtivemente... O, plus
simplemente, tu pone le publico svedese, que in Europa es stimate como un
populo al vanguarda social, como un publico non al passo del tempores.
Io dubita que isto sia le opinion del Svedeses. Il pote esser le opinion de
alcun personas qui ha sempre le luna trasversal.
Kjell R.: In vice de permitter a cata cive informar se del cosas que es
tractate in Brusselas le pressa debe per vias non totalmente licite obtenir
le novas.
Mario: Isto es bon! Esque nos parla del Europa? Le continente ubi se trova
Italia? Alora io ha un opinion diverse e nos es inter le prime paises que
usa le informationes, sin reticentia alcun.
Kjell R.: Multes ha le idea que le elite politic es por le Union pro
ganiar plus de moneta e status e on rapido se accostuma a vider le populo
como un factor distrubante.
Mario: Il es ver, como il pote esser ver hodie in tote le paises plus
civil. Inter iste paises io pensa que le Union Europee es al vanguarda pro
le derecto e le garantias al cives e illo non time comparationes. Que un
elite face proprie interesses, anque pro ganiar plus moneta o status, es
facto totalmente natural e normal.
Le mundo, pro nostre fortuna, non se ha jammais conformate in le plus qui
vive in le anonymitate, al contrario in le pocos qui ha traciate le stratas.
Kjell R.: Personalmente io vide que il es necessari que nos omnes, cives
del Union face nostre optime pro combatter le secretivitate e le tendentias
antidemocratic in le Union.
Mario: vigilar e esser te mesme es deber de omne homine in qualcunque parte
del mundo, anque in Europa, super toto in Europa, perque on ha le
necessitate de sustener le nivello de nostre cultura e civilisation.
Io confide in le Paises del Europa e io reputa que io non debe confunder le
leges de datos personal con le derecto del libertate de parola.
Ciao,
Mario
Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
http://www.telegrupigi.com
http://www.affresco.com
http://millennium.fortunecity.com/zebedee/682
http://members.xoom.com/Oncle_Mario
http://digilander.iol.it/oncleab/index.html
Lista de Roma:
http://www.agora.it/M.Malaguti
Invia tu messages al lista de Roma:
mailto:[log in to unmask]
|
