Lars ha respondite a Martijn:
Martijn:
>> In summo: per destabilisar (con successo considerabile!) le base del
>> disveloppamento natural de interlingua inter novicios, con reformas
>> fundamental, fundamentalista, revisionista, incompatibile con le realitate
>> de parlar, e, super toto, non supportate per le communitate de parlatores,
>> le culto stanley-mulaikista constitue, in mi opinion, un del causas del
>> deplorabile stato hodierne de interlingua.
>>
Lars:
>Tu, e vos alteres, ha naturalmente le derecto a iste opinion, ma il pare pro
>me que vos ha solmente trovate un capro expiatori (scapegoat) conveniente, e
>que le ver problemas de interlingua es alterubi.

Lars, tu exprime exactemente lo que io senti. Illes crede que
tote le problemas del fallimento de interlingua a crescer es le
falta de un parve "culto' de Mulaikistas.  Io crede que le uso
de 'culto' aqui es un injuste e xenophobic  maniera de construer
les qui pote leger le libros e articulos per Gode e IALA illes
mesme e applicar lor principios como le adherentes de un
culto.  Mais on pote  equalmente dicer le mesme de Martijn e su
amicos qui attacca nos.  Ille vide mi  modeste effortios pro
provider un maniera consistente con le methodos del regula de
tres e le prototypos de IALA un major reforma que submina le
fundamentos de interlingua.  Isto malgrado le facto que io
scribe in essentialmente le mesme interlingua como altere
interlinguistas. Isto es ridicule, dishoneste, e alquanto
lunatic. Nos non es revisionistas ni reformistas. Nos solmente
vole offerer  alternativos con un rationamento objective basate
super le principios usate per IALA pro obtener solutiones
objective, pro adjutar individuos a usar parolas plus
international (in le caso de corriger errores in le IED) o a
saper que il ha  particulas que realmente es in accordo con le
methodologia de interlingua (in loco de usar particulas latin
que non es international ni recognoscibile, o usar particulas de
altere linguas constructe que non ha essite examinate a
determinar si illos es consistente con le principios e
methodologia de interlingua.   (Martijn sembla acceptar le facto
que il ha un grande varietate pro quasi cata particula e que toto
es libere a selectionar de illos. Bon, nos solmente vole  que
nostre lista de particulas e le rationamento pro lor
constatation sia considerate per individuos. Il ha nihil plus
que io pote dicer.  Io non es un autoritate--necuno es un ver
autoritate (con poteres arbitrari) in un lingua  que depende
super le factos linguistic externe pro validar su formas.

Lo que Martijn realmente vole es que le normas del parve culto
de interlinguaistas a que ille adhere sia libere de critica
secundo le principios usate pro formular interlingua. "Le era
del laboratorio es a fin. Nos ora practica." Ben si le
principios usate in le laboratorio ha producite formas
recognoscibile a  milliones, proque es illos non utile in
meliorar le practica?  Piet Cleij los usa in extender le
vocabulario.  Mais ille time de applicar los pro corriger
errores in le IED o in resolver le problema del plethora de
particulas pro le mesme particula. Proque ille non educa alteros
in su communitate in le application del regulas del eligibilitate
e constatation de prototypos, a fin que illes  pote comprender
melior le base de lor lingua e le vocabulario.  Le vocabulario
non ha saltate del capite de Gode, mais ha essite extrahite per
un parve gruppo de linguistas con dictionarios con etymologias
laborante die post die secundo methodos objective pro facer
patente le latente realitate que es le vocabulario
international.  Le resistentia a me es in mi opinion un essayo
de celar le ignorantia per justificar lo secundo "le lingua es
un cosa vivente e nos non debe guidar lo per le principios de su
formulation".

Mais linguas ha semper essite objectos de human pensata. Illos
non cambia solmente a causa de fortias inconsciente. E illos
perdura malgrado ignorantia per education in principios.
Interlingua esseva create secundo principios, e nos pote
continuar usar iste principios quando nos judicar nostre
practica.

Salutes!


Stan Mulaik

--
Archivos e disabonar: http://listserv.icors.org/archives/INTERLNG.html