Le 'expertos' se reuni pro decider le fato de Pluto
Pluto esseva discperite in 1930 per le astronomo statounitese Clyde
Tombaugh. Ma nunc astronomos ab multe paises se reuni in le capital
Chec, Praga, pro definir exactemente lo que es un 'planeta' e como
isto influentiara si Pluto es considerate un planeta o non.
Le Union Astronomic International spera finalmente definir que es
Pluto. Le opiniones del 'expertos' es dividite in quanto a Pluto, que
es plus distante del Sol e considerabilemente plus parve que le altere
'planetas' in nostre systema solar.
Le situation se confundeva plus quando un objecto planetari,
cognoscite como 2003-UB313, plus grande que Pluto esseva trovate in le
celos per un astronomo american.
Professor Mike Brown e su collegas al Instituto de Technologia in
California ha discoperite plus objectos planetari in le area al
frontiera de nostre systema solar appellate le Cincto Kuiper.
Nunc le delegatos al conferentia in Praga debe concordar in quanto al
definition formal de lo que pote esser considerate un 'planeta'.
Un possibile resultato del reunion esserea le promotion de 2003-UB313,
cognoscite anque per le nomine informal 'Xena', in le club exclusive
del planetas 'official'.
Ma il pote esser possibile etiam que Pluto non plus esserea
considerate un 'planeta' si le 'expertos' decide que illo non plus
satisface le requirimentos pro iste definition.
Pluto ha solmente un diametro de 2,360km (1,467 millias), e illo es
multo plus parve que le altere planetas familar como per exemplo
nostre proprie Terra, e anque Martio, Jupiter, Saturno, e mesmo
Neptuno, le vicino plus proxime a Pluto.
Ma depois de esser messurate per le telescopo spatial Hubble, 2003
UB313 con un diametro de 3,000km (1,864 miles), esseva classificate
plus grande que Pluto.
Quasi 3000 astronomos e scientificos se reuni in Praga pro determinar
le fato de Pluto e su classification como planeta in tante libros
scholar e in encyclopedias per tote le mundo.
On ha presentate le option de includer Pluto in un nove systema de
classification le qual lo marcarea como differente del altere octo
planetas plus grande.
Le reunion currera per 12 dies e comenciara le lunedi, 14 augusto 2006.
--
Pro disabonar te: http://listserv.icors.org/archives/INTERLNG.html
|
