>From: Kjell Rehnstrom <[log in to unmask]>
>Subject: Re: parola enclitic
>Date: Wed, 15 Aug 2001 19:13:26 +0200
>
>Etsi le grammatica non es tu amica ego es convincite que si ego debeva
>apprender le italiano e nos parlarea insimul tu certo esserea capace
>explicar
>me toto multo ben!
>
>Per isto ego naturalmente non vole dispreciar nostre institutos, facultates
>  o
>sectiones lingual. Ego vole solmente dicer que a me isto functionava melio.
>
>Cellus

Tu aperi un thema meraviliose super toto in relation al medios que nos ha
ora a nostre disposition in nostre domo, perque io e te, nos pote communicar
in connection directe in vive voce e per le scriber insimul.
Assi nos ha le potential opportunitate de practicar plus linguas, anque
gratias al commun synthese que es Interlingua, sin studiar un sol lingua
como io debeva facer con multe fatiga in mi juventute.
Io cognosce obreros qui frequanta le mundo e sape solmente lor labor e lor
dialecto. Illes non ha difficultates a intender se con altere obreros e
technicos re le labor e le exigentias primari del viver quotidian.
Es io, con mi cultura, qui me exprime como un illiterate, simplemente per
manco de un practica, in le campo del ver necessitate le qual ancora non
trova un o plus correspondentes.
Ma isto sera solmente un question de alcun menses, ancora, io crede.
E proba pensar al revolution que es implicite in iste possibile solution: il
sera le personas qui retornara a posseder le discurso inter lor mesme, e
diminuera le influentias execrabile del media.
Un nove frontiera per le libertate individual.
Assi io spera.

Mario



_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp