robocap on wind ha scribite:

>... Io opina de esser pauc italian, quia io jammais vadeva al
>stadio a vider un partita de football. Le rugby es un joco multo formative.
>
>
Lo que me place multo re le rugby es que il ha un position pro cata
forma human - sia parve, rotunde, o alte e tenue.

>Si, io ha duo equipas favorite, Benetton Treviso e Petrarca Padova. Ambes
>joca in prime division italian. For de Italia, io ama particularmente le
>"All Blacks" e le national de Francia.
>
Ha si - nostre inimico traditional - nostre vicinos - le homines con le
toto nigre tricot, de Nove Zelanda. Le registro de resultates de matches
annual inter le Wallabies e le All Blacks durante plus que cent annos
non es un felice lectura pro un Australiano. Tamen in le annos recente,
depost 1980, le balancia es satis equal.

Certo que le Nov-Zelandanos "colpa super lor peso" in le sport. Tamen
mesmo plus forte es le Polynesianos - de Fiji, Tonga e Samoa. Le
representation de jocatores de ancestria polynesian in le equipas
professional de Nov-Zelanda e Australia es multo plus grande que lor
representation in le population general.

Etiam io ama le stilo del equipa francese. Felicemente, iste anno pro le
prime vice in multe anos io poteva sequer le campionato del sex nationes
(europee). Qual gaudio!

Heri io spectava a la television le match annual inter le duo grande
provincias de Australia - NSW (Nove Galles del Sud) e Queensland. Pro le
prime vice in novem annos, le "Waratahs" de NSW - mi equipa, ha ganiate!
E illes sede nunc al capite del tabula del "Super 12", (un campionato
inter le principal provincias de Australia, Nove Zelanda e Africa del
Sud). Io surride, scribente isto.

Le equipa italian veni a Australia in junio (sed joca a Melbourne). Como
ira illes sin John Kirwan como trainator?

cordialmente
Edo


--
No virus found in this outgoing message.
Checked by AVG Anti-Virus.
Version: 7.0.308 / Virus Database: 266.11.6 - Release Date: 5/6/2005