Car totes

In le servicio de libros non pare esser disponibile un version in anglese
del commentarios pro "Instrumento moderne ..." - le manual excellente de
Ingvar.

Un tal version serea ya practissime, proque tote apprendatores de ia
comprende anglese con bastante probabilitate, non importa de ubi illes veni.
Actualmente io sape que nostre nove amico Daniel Hollande besonia un tal
manual. (Ille debe certo comprender anglese, viste que ille *es* anglese.)
;-)

Thomas Breinstrup me ha scribite que Catriona Chaplin ante alcun annos
esseva elaborante un version anglese, ma ille non sapeva si illo habeva
essite finite.

Alora, sape tu, car Ingvar, que ha occurite con iste version, o sape lo
forsan ulle de vos alteres?

Si il se monstra que un version anglese non existe, io pensa que il es un
mesmo major problema que anque un version in interlingua non pare exister.
(Io ha in tote caso non potite trovar lo alicubi.)

Forsan il serea un bon projecto commun pro nos traducer le commentarios a
interlingua?

Amicalmente,
Lars

--
http://falcatorrosa2.blogspot.com

--
Archivos e disabonar: http://listserv.icors.org/archives/INTERLNG.html