Mario,
  Esque il es tu indication que tu habeva comprate actiones in
Eron?  Io spera non.

  Io non cognosce le detalios del affaire Enron.  Isto esseva un
compania major american, con alte evalutationes de su actiones,
e subitemente lor valor ha cadite precipitosemente.  Nos discoperi
que le gerentes ha salvate se per vender lor actiones justo
previe a isto.  Io suspice que il va haber repercussiones mal
in isto.  Milles de personas ha perdite lor pensiones a Enron.
De plus, Enron esseva un major compania in energia, e un
appoiator de Pres. Bush.  Le fallimento de Enron face minus
acceptabile le proposition de Pres. Bush que un parte del
impostos pro le securitate social debe esser investite in le
mercato de actiones.  Iste fallimento monstra le periculo de
facer isto pro un systema designate a servir como un base
minime de renta secur.  Le general fallimento del mercato de
actiones previemente iste anno es un altere mal signo.

  A tornar me a un altere subjecto, io debe mentionar le
Rockettes.  Io e mi sposa conduceva nos al centro de
Atlanta al Theatro Fox.  Le Rockettes de Radio City
Music Hall a Rockfeller Plaza in Nove York esseva aqui in
Atlanta pro tres septimanas.  Isto es lor spectaculo
de Natal.  Le Rockettes, io debe adder, non es le mesme
como le Follies Bergere in Paris.  Illes es belle, con
longe gambas, mais lor spectaculo es pro tote le familia.
Il habeva multe infantes in le audientia, e io credeva
postea que mi granfilias esserea inamorate con le Rockettes,
proque illes es dansatrices exquisite.  Le spectaculo
esseva plen de santa claus (Sancte Nicholas), de facto
numerose Sancte Nicholases, e nanos, e in un scena del
Nativitate con duo camelos (real), un assino, e quatre
oves, toto de que esseva real animales!  Le animales
se comportava multo ben.  Necun accidentes ni mal
comportamento.

  Previemente io ha credite que il ha 60 Rockettes.
Secundo le programma, in Nove York il ha solmente 36
Rockettes, e in iste spectaculo in Atlanta, illes
veniva con solmente 18, que esseva ancora bastante
de plenar le scena.  Illes habeva de plus 6 additional
dansatrices e 6 dansatores qui faceva le scene quando
le Rockettes vadeva post le scena pro cambiar lor
costumes.  Io debe dicer que como un mascule le
pensata ha entrate mi mente--como on face isto con
18 belle feminas in costumes jam minime?

  Le Rockettes es absolutemente meraviliose con
lor dansa de precision e in unison.  Isto es le
basa de lor fama.  E illes canta durante que illes
dansa.

  Io e mi sposa gaudiava multo le spectaculo.

  Io ha ponite altere messages a coollist super
le prototypos.

  Stan