Stan Mulaik ha scribite:

"Isto [nostre position insignificante in le
universo]es un conclusion equalmente sin evidentia.
Per cuje
criterio es nostre position 'insignificante'? Le mer
facto que nos es parve esseres super un parve planeto
in un grandissime universo non es in se mesme proba
que nostre position es 'insignificante'. De plus que
tu usa le concepto de "position insignificante"
significa que a te iste concepto ha senso."

---

Un bon maniera de demonstrar nostre insignificantia in
le universo es le quantitate de stellas como nostre
sol in nostre galaxia e le numero de galaxias que nos
ha discoperite in le universo in le seculo XX.

Nos forma un parte vermente infinitessimal de iste
megastructura.  Il ha multe possibile accidentes que
poterea destruer omne le vita sur nostre planeta sin
molestar de un maniera le plus minime le structura
total del universo.

In un "universo" de omne le organismos sur nostre
planeta, un sol bacterio occuparea un parte plus
grande de iste totalitate que nostre systema solar
occupa in le totalitate del universo que nos jam
cognosce.

Vermente, le imagination human non pote imaginar le
parte infinitesimal del universo occupate per nostre
systema solar.

---

Un altere (e multo minus potente!) maniera es
considerar le significantia de un sol voto in un
election.  Si solmente 12 personas forma le electorato
total, un sol voto es 1/12 del total.  In un
electorato de 1.000.000 personas, un voto es solmente
1/1.000.000 de omne le votos.

In un election national statounitese un sol voto
deveni statisticamente insignificante.  Il es
impossibile decider un election national nostre per un
sol voto.

__________________________________
Do you Yahoo!?
The New Yahoo! Shopping - with improved product search
http://shopping.yahoo.com