Amicos:

Il ha duo distincte conceptos que nos non debe confunder.  Il ha
"lo que es correcte interlingua secundo su regulas de standardization"
e "lo que es bon usage in societate polite".  Il es bon interlingua
a dicer "musulman", que es basate super le prototypo in persian
que es un adaptation de "muslim" del arabe.  Istos es le parolas
per le qual le populos del linguas de controlo appella le adherentes
a islam.  Illes ha facite lo durante seculos.  Il es equalmente
bon interlingua a dicer "mohammedan", mais possibilemente hodie
isto non es bon usage in societate polite que vole respectar le
sentimentos de musulmanes.  Si le linguas de controlo monstra que
currentemente un forte usage del parola arabe "muslim" ha
devenite le norma de correctessa, alora nos debe includer iste
parola in nostre vocabulario.  Cerca le usage in jornales currente
del linguas de controlo pro "muslim" pro determinar si iste
parola ha devenite acceptate in lor linguas.  Mais non usa
le usage de isolate individuos a determinar si isto es standard
in lor linguas.

Le majoritate de linguas es appellate per le nomines de lor
fundatores: christianitate, buddhismo, "muhammedanismo",
jainismo, zoroastrismo, e con le exception del christianos,
lor adherentes non adora le fundator de lor religion como
un deo o deo incarnate.

Stan