Car Ramos,

  Gratias. Ecce como un situation vidite ex un altere
attitude se cambia:

>      Le Cuppa: Como in omne sports, nostre societate
> de spectaculo corrumpe le resultatos. Importante es
> le spectaculo.

  Ex iste puncto de vista "Le Cuppa" es un grande
successo et merita nostre appreciation.
  Illo esseva como in Roma le circo, o como es in
America un campania electoral: plen de imagine -
color, grandor, confetti. Que carnaval!

  Ma isto non me gusta. Pro me es un grande
differentia inter un lucta seriose et un buffoneria
relaxante.

  Pro me le football es como un turniro medieval (qui
ha tambien un rolo educative pro le vita). Et hic il
es importante haber le lanceas equal.
  Alteremente mi puero apprenderea que pro ganiar in
su vita, in loco de honeste et difficile effortios il
serea plus efficiente a robar un poco, a prolongar le
"lancea", et non a lo maestrar.

  Iste cuppa non esseva honeste. Illo esseva
partinico, et in un sol direction - contra le paises
romance ex Europa (un amar burla - eurolatinophobia).

  Ecce le "COINCIDENTIAS" :

1. ROMANIA
   Duo penalty clarissime refusate al barrage con
Slovenia - cata uno per cata arbitro, in le ambes
jocos - duo gafas estranie del duo arbitros, ma non
ancora penibile. Vale.

2. PORTUGALIA
   Duo jocatores eliminate. Un lo comprende. Ma duo?
Un pauc penibile. Anque vale.

3. BELGIA
   Que goal! Que vergonia pro le grande Brasilia ser
adjutate (como in le joco con Turchia)! Esque FIFA non
voleva riscar surprisas? Penibile. Vale mal.

4. ITALIA
   Un goal refusate. Un jocator eliminate... Jam le
situation es multo penibile. Non vale.

5. ESPANIA
   Duo goales refusate. Le parola penibile non
reflecta le realitate - scandalose! Basta!

  Io accepta que tu gaude le spectaculo. Ben. Illo
esseva assi, un distraction.
  Pro me illo es un competition (o turniro) maculate.
Et que illo necessita cambiamentos importante como le
introduction del cameras "ante portas".

Amicalmente,
  Cristian

PS
   Le "hexa" pais romance, FRANCIA esseva minus naive,
como le altere "pentas" : illo partiva "francesemente"
(como lo dice le angleses - le franceses dice vice
versa). Io me demandava proque lor manca le desiro de
joco. Sapeva illes qualque?









__________________________________________________
Do You Yahoo!?
Sign up for SBC Yahoo! Dial - First Month Free
http://sbc.yahoo.com