Mercuridi, le 4te junio 1997, Kjell Rehnstrom scribeva (extracto):
> Forsan nostre contrarios furnira le nomine (Le famose Rik Dalton appellava
> interlingua _godeano_) in le mesme maniera como pro le mormones.

Hic in Brasil il ha le Ecclesia de Jesus Christo del Sanctos de Ultime
Dies Amen (Ops, excusa... le nomine es tanto longe que simila un prece!)

Illes arrivava relativemente recentemente. Le "elders" (ben que illes
son juvenes) ambula in pares, sempre ben vestite, conversa con le
personas in le stratas e cerca accordar un visita in un altere die.

Un die illes parlava con mi fratre, duo annos plus vetule que me. Mi
matre e mi patre, catholic, non appreciava le idea. De maniera que,
quando illes arrivava, solo io e mi fratre nos sedeva con illes pro
conversar. E assi illes nos parlava del Libro de Mormon.

E assi illes ha facite in le vicinitate e in varie partes del citate. E
assi, le termino "Mormon" deveniva cognoscite. E, gratias al "theoria
del minor effortio", le personas prefereva appellar los "Mormons" que
"Sanctos de Ultime Dies".

(Mesmo perque Brasil es un pais predominantemente catholic. Le termino
"sancto" es applicate solmente al personas exceptionalmente bon in le
vita, que ha essite "canonizate" per le Papa. E non les place appellar
personas de un altere religion como "sanctos".) :^)

Ben, vos debe esser a pensar... UBI ENSJO VOLE ARRIVAR, POST TOTO?

:^) ...al facto de que le personas non cognosce "Gode" sufficientemente
pro appellar nos "Godistas", in vice de "Interlinguistas" o
"Interlinguanos". Rik Dalton lo ha facite, perque ille cognosceva Gode.

Ultra (como diceva Frank Pfaff quanto a cambiar le nomine de un populo),
appellar nos "Godistas" era un modo que ille ha trovate pro offender
nos, viste que nos totes sape que ille es un Esperantista del mal typo:
que non accepta altere linguas auxiliar.
-- 
   ENSJO : EMERSON JOSÉ SILVEIRA DA COSTA
  E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
           Nova Marambaia
           66625-280 Belém - Pará - Brasil
Telephono: (091) 231-5740 // +55 91 231 5740