----- Original Message ----- 
From: Jan Årmann 
To: [log in to unmask] 
Sent: Sunday, March 21, 2004 4:05 PM
Subject: [IL_STRAT] Un "colonia" lexical



Car amicos,

Plures de nos ha laborate con dictionarios intensivemente durante plure annos. In le campo dictionarios electronic nos ha nunc duo bon fontes ubi nos pote apportar tal dictionarios gratuite. Le programmas pro leger non es gratuite ma non costose. Regrettabilemente le duo grande livratores Babylon e Pardon (SoftBear) es solmente usabile in Windows.

Io ha desde plure annos habite contacto con le firma norvegian SoftBear que nunc ha publicate lor tertie version del programma Pardon. Illo ha plure bon qualitates e p.ex. illo ha un modulo con qual tu pote crear e compilar tu proprie dictionario in Pardon. Le adresse es www.softbear.no e le precio del programma es solmente $15. Ma tu pote discargar lo gratuite e usar lo durante un periodo.

Il ha plure dictionarios ibi ma pro nos interlinguistas il es remarcabile que il nunc ha 6 pro interlingua:
  a.. IED 
  b.. Interlingua-nederlandese (Piet Cleij) 
  c.. Interlingua-polonese (Pawel Wimmer) 
  d.. Germano-interlingua 
  e.. Svenska-interlingua 
  f.. Italiano-interlingua
Tote dictionarios tu pote discargar intra Pardon si tu es connectite a Internet
Il es anque remarcabile que on in le mesme programma pote cambiar lingua del menus a 7 linguas 
  a.. English (default) 
  b.. Polonese 
  c.. Nederlandese 
  d.. Italiano 
  e.. Svedese 
  f.. Norvegiano 
  g.. Interlingua
Io spera que nos tosto pote vider le CEID, un espaniol e un interlingua-germano in Pardon.

Io pete vos a informar re iste bon novitates. Forsan alcuno de vos vole informar in INTERLNG e altere locos - io non participa in coollist e interlng e io non pote scriber ibi.

Janne
___________________________________
Jan Årmann/Jan Armann
Generalsgatan 12 E, SE-903 36 UMEÅ,Sverige/Svedia
+46(0)90771525, Mobil +46(0)706594934
Sommar/Estate +46(0)52521485
www.armann.se