On Fri, 31 Jan 2003 15:39:17 -0800, Harleigh Kyson Jr. <[log in to unmask]>
wrote (a Mario):
>Iste messge vostro, como multe communicationes vostre
>a iste foro, es multo prolixe e pauco clar.
>
>Esque vos pote exprimer vos plus breve- e clarmente?
Mi interpretation es que Mario, qui ama su pais e su historia e traditiones,
intendeva exprimer de maniera diplomatic su incomprension e disgusto super
le facto que tu non ama tu pais. (Mario, per favor corrige me si io te ha
miscomprendite.)
Harleigh, io ha le impression que tu pais systematicamente te ha tractate
mal durante tu vita, es isto correcte? Si isto es le caso, ecce un bon
ration pro non amar su pais.
Quanto a un guerra inter le SUA e Iraq, io lo considera un experimento
extrememente periculose con beneficios dubitabile, un costo inacceptabile in
vitas human e un risco considerabile de escalation mundial incontrolabile.
Al altere latere, io ha plure bon amicos qui vive in le Statos Unite
(incontrate in-linea ante que io apprendeva de interlingua), e io ha habite
le placer de visitar tu pais plure vices.
Io ha trovate le gente generalmente multo placente, e ben que le Statos
Unite non es un pais ubi io eligerea viver mesme, io ha grande respecto pro
su cultura, prestationes, e gente. Simultaneemente io es sovente stupefacte
per le imprevidentia de certe aspectos del "mentalitate statounitese", como
visibile anque in le politica estranier.
Insimul con un creativitate e determination admirabile, il pare haber un
certe typo de dogmatismo pervasive in le Statos Unite que forma un contrasto
paradoxic con le modernitate del altere aspectos de iste societate.
Isto rende mi relation con le Statos Unite ambivalente. Io admira le pais e
simultaneemente trova certe aspectos de su politicas e actiones
intolerabilemente obtuse.
Io crede que tal sentimentos paradoxic es detra multo del si-nominate
"anti-americanismo" in Europa e le resto del mundo. Le admiration e respecto
es presente, ma de un pais de tal talento e poter, on expecta plus sagessa e
minus agression.
- Martijn
|
