d[030216] x[Kiviaho Allan] z[KivA-32Fhf interlng] r[BlaS-32B]
s[Re: Grammatica de Gode & Blair. Attaccos e provocationes]
[log in to unmask]
Uvazhayemyí Gospodin Semyon Semyonovitch!
Haber nove interlinguistas russe significa fresc
ventos in nostre discussiones super le COSA NOSTRE, le
amate e belle (lyubimaya e krasivaya) INTERLINGUA! Sia
benvenite!
---------------------------------------------------------------
Blagov Semen 030212: Il es scribite in le grammatica de
Interlingua (Introduction pro le prime editon, le ultime
linea):"... other grammars and other variants of the same
language are not only possible but HIGHLY WELCOME" A.Gode H.
Blair IALA 1951.
-----------------------------------------------------x---------
Ben! Sed le grammatica e le variante - le religion -
in nostre foro [log in to unmask] es illo
del IALA, nostre evangelio es le IED e nostre propheta
e apostol Alexander Gottfried Friedrich Gode-von Aesch
(In GODe we trust!)
Nostre ecclesia es le UMI (Union Mundial pro
Interlingua) que era fundate le 1955-07-28 in Tours,
Francia, durante le Prime Conferentia International de
Interlingua in Tours, Francia.
Le UMI collabora con le organisationes national de
Interlingua. Como le prime presidente del UMI era
electe Alexander Gode-von Aesch.
Le prime scopo del UMI es a offerer a Europa un
lingua commun pro cosas practic, un lingua neutral e
democratic. Un lingua que se basa al civilisation
europee que es basate a nostre hereditage greco-roman.
Nos oppone aspirationes de hegemonia de grande
linguas [*], primemente le anglese o "le nonsacre
triumvirato de hegemonistic linguas granfraternal; le
anglese, francese e germano".
---
[*] De facto nostre lingua, INTERLINGUA,
es - como neolatino - le plus grande lingua ...!
Le hegemonistic linguas national esserea etiam un
multo plus grande menacia a linguas e culturas de
parve paises quam le neutral Interlingua.
Interlingua como un lingua franca esserea un bon
solution etiam e.g. in le Americas, ubi omne grande
linguas son linguas del fonte de Interlingua. Vide
http://www.kolumbus.fi/allkiv/aa_alca.htm
si il vos place.
Actualmente Interlingua poterea esser benvenite etiam
in le grande paises a causa de jelosia e rivalitate
inter illos. Io non crede que le germanos, franceses e
russos esserea felice in un mundo ubi le sol lingua
franca in affaires international esserea anglese. O le
americanos, britones o franceses in un mundo ubi como
lingua franca nur Deutsch sprechen würde o tol'ko
russkií gavarit' (tu vide que mi russo non es
perfecte ... benque io pote leger plus o minus
fluentemente textos que tracta themas familiar).
=====================
Dissidentes in le UMI
=====================
Non omne interlinguistas in UMI adhere a nostre
idea del Interlingua como lingua franca in Europa.
Il ha interlinguistas american qui vole que le
anglese debe conquirer tote le mundo. Vamos, nos
eurasianos, appellar illes "amerikanskie
imperialisti".
In le 50e conferentia jubilari del UMI in Gdansk,
Polonia, in 2001, io me trovava in grande conflicto
con alicun amicos interlinguistas post que io habeva
attaccate le defectos del anglese. On manteneva que
"le anglese es un lingua PERFECTE". Hah, non mesmo
"perfect" es perfecte in anglese, illo es "pööfect".
In le anglese on usa 1100 graphemas (litteras e lor
combinationes) pro presentar 40 phonemas, secundo de
Harleigh Kyson Jr. (In finnese 22 graphemas pro 22
phonemas).
In Gdansk io era fortemente supportate per le
delegation francese, particularmente post que io
habeva presentate le canto
LE INTERLINGUALLAISE
(Melodia: Le Marsellaise)
Alora infantes de Interlingua,
le die de gloria ha arrivate!
Contra tyrannia del anglua, [*]
nostre standardo es levate!
[*] Anglese = anglua pro rimar.
Ben, in omne caso le anglese ha conservate un grande
quantitate de parolas latin e multe de illos in
orthographia classic sed le pronunciation de ille
parolas ha quasi nihil a facer con le pronunciation
in latino.
Del altere aspecto Interlingua ha nascite in
Anglaterra e le Statos Unite de America, le quartiero
general del IALA habeva ja loco in iste paises.
Pro iste anglophonos qui supporta le idea que tote le
mundo deberea parlar anglese como secunde lingua
maternal (probabilemente le vaste majoritate de
anglophonos), Interlingua es un hobby.
Multes de iste "hobbyistas" son tanto bon
interlinguistas que le interlinguistas "illuminate".
"Attaccos" e "provocationes"
----------------------------
Un multo distinguite interlinguista, Frank Esterhill
(SUA), totalmente abandonava Interlingua
mantenente - usante parolas anglese de quatro
litteras - que Interlingua attaccava le anglese (le
hegemonia del anglese?).
- - - - - - - - - - - - - - - - - - - - - - - - - - - - - - - -
Dehée Jacques 030209: Alix Potet scribeva le 27 Oct 1997 :
Rememora isto pro le bon successo de vostre lista : sia clar.
Le allusiones (nos dice "sous-entendus" in francese :
sub-audite (?)) debe esser eradicate.
Alix Potet e Denis Dussart, provocate, ha debite cessar scriber
in le lista, perque le franceses non son benvenite e postea
le presentia francese era quasi nulle.
- - - - - - - - - - - - - - - - - - - - - - - - - - - - - - - -
Jacques, io ha lecte iste message de Alix Potet. Il es
obvie que le parola "allusiones" ha nihil de facer con
"attaccos" eventual contra le lingua francese. Tu pare
haber interpretite mal le toto! (Alix Potet ha scripte
de difficultates que illa habeva con accesso a internet
tunc - plus quam 5 annos retro ...).
Pro me Francia es le pais que le plus resolutemente
defenda le cultura europee. Le presidente Francois
Mitterrand ha dicte: "Disneyland de Paris es le
Tchernobyl de cultura ...!"
Io ha attaccate le anglese furiosemente sed io non ha
observate alicun tremor in iste lingua a causa de
isto ... Mesmo nostre amicos anglophone pare tolerar
isto como humor torto - sed totevia humor.
E nota ben, amic(a/o)s, per favor:
Mi filia es un inseniator de anglese in un schola ubi
on educa veniente professionales del tourismo. Le
lingua materne de nostre filia es svedese e illa
maestra anglese un pauc melio quam finnese.
Mi filio affin insenia anglese in le Academia de
Defensa. Ille ha inseniate anglese in multe grande
companias in Finlandia, includente le celebre NOKIA.
E ille ha inseniate etiam in le Universitate de
Bloomington in le Statos Unite, sed illac non
anglese ma finnese. Su lingua materne es finnese.
Nostre nepto, le piccolissime Hippupotamus, va
haber - si Deo permitte - svedese como lingua materne
con finnese e anglese forte secunde linguas e
francese como un bon quarte lingua (ille canta jam
cantos francese in su kindergarten svedese e reguarda
e audi illos in television in un video de su
matre...), su parentes habeva examinate in le
Universitate de Helsinki etiam como inseniatores de
francese, in ultra nostre filia ha studiate francese
in cursos estive in Lausanne e Paris (duo vices). In
le curso in Lausanne le plus bon amica sue era un
puella ex Croatia qui salutava nostre filia cata
matino in croato: "STARA MOJA!" ("vetule mie!"). Nos
parentes mesmo visitava Lausanne e incontrava illac
iste puella croate e su parentes.
Quando io travaliava in Suissa in 1983-85 nostre
infantes frequentava un schola american (Institute
Montana - http://www.montana.ch ). Le plus bon amico
de nostre filio era un puero ex Kansas City, nostre
filio pote ancora hodie parlar anglese con forte
accento de Kansas. Le lingua materne de nostre filio
es svedese sed ille maestra finnese equalmente ben e
ille es totalmente fluente in anglese, ille studia
economica in Åbo Akademi (un universitate svedophone).
Quasi tote le education in su facultate va in anglese.
Nostre filia affin es etiam fluente in anglese, illa
ha travaliate tres vices in London, duo de illos al
aeroporta de Heathrow al departimento de check-in del
Finnair, hodie illa travia al aeroporta de Helsinki
al SAS (Scandinavian Airline Services).
Nostre filio e su sposa ama fanaticamente le cultura
anglese. Illes ODIA Interlingua ... Nonobstante illes
era amusate quando io habeva parlate interlingua a un
Luca ex Napoli/Bologna a nuptias de nostre filio e
Luca diceva a ille que "tu patre parla ben italiano!".
Luca es le sposo de un de optime amicas de nostre
filia affin.
Nostre filia habeva un bon initio al lingua francese
al Institute Montana proque illa habeva illac un
inseniator de francese qui era un fanaticissime amator
de iste lingua - ille (Mr. Scheel) era un filio de un
povre minator de carbon ex Alsace/Elsass e su lingua
materne habeva essite germano. Iste homine continuava
inseniar francese a nostre filia etiam post que nos
habeva retornate a Finlandia e ille habeva cambiate al
Statos Unite pro preparar studios doctoral.
Nostre filia e su sposo non ODIA Interlingua si multo
como nostre filio e su sposa. Illes ha studiate etiam
un pauc italiano in le universitate e quando illes ha
vacation in Italia illes discute con gente local in
italiano e face un pauc propaganda pro Interlingua ...
Nostre optime amicos estranier ha essite William B.
Stone, professor emeritus de anglese ex Universitate
de Chicago. Infortunamente Bill moriva ante alicun
annos sed io ha continuate correspontia ePostal con
su sposa Jane. Nos incontrava le Stones in Finlandia,
Suissa e Bulgaria - le pais del sequente conferentia
del UMI in julio-augusto 2003. Io incontrava illes
in anno 1999 in Fort Lauderdale, Florida, e nostre
filio visitava illes in Chicago ante illo.
He-he, mi relation con le anglese non es multo simple.
Io lege cata die multe paginas textos in anglese. Sed
io lucta contra le anglese como lingua franca in
Europa - que vive Interlingua! - e le excessive
domination del cultura american - que vive Francia e
omne altere paises in Europa continental e in
Britannia Shakespeare, Oxford, Cambridge, Lord Nelson
et alii!
Salutante
Allan Kiviaho
=============================================
Kiviaho Allan
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
Kivimäentie 16 E. FIN-01620 VANTAA. Finlandia
[log in to unmask]
http://www.kolumbus.fi/allkiv
http://www.interlingua.dk/2001.htm
http://www.interlingua.com
Tel. + 358 - 09 - 898 720
GSM + 358 - 050 - 3616 759
=============================================
|
