Si tu es moslem (muslim) tu pote comprar un
horologio de alarma que in vice del tintinar de un
horologio sona un muezzin (Annunciator del hora de
precar) al horas stipulate del die pro
precationes. Pro le prime vice - essente le
apparatomano qui ego es - ego deplora le facto que
ego non es un moslem et poterea comprar un tal
horologio. Ego poterea naturalmente facer secundo
un articulo que ego unquam legeva in le version
svedese del Reader's Digest (Digestos del lector)
in le qual on instrueva como un christian persona
pote meliorar su vita precari. "Age" on scribeva
"quasi tu credeva", per consequente "preca quasi
tu credeva".

Forsan, si ego compra iste meravilliose horologio
et un Kor'an in un version comprensibile ego
forsan devenira un.... (Vertiginose pensata!)