Bon die, Alberto.
Io pensa que le servicio "Hospitality Club" es plus confidebile que le
servicio "Couch Surfing". Io obteneva informationes que un vice tote
le informationes del servicio "Couch Surfing" esseva accidentalmente
removite, e le usatores esseva fortiate a catastrar novemente. Tote le
discussiones anterior in le forums del sito esseva perdite, lo que es
un cosa malo, proque destrueva grande parte del ligamines social
preexistente. Mais in le servicio "Hospitality Club" iste problema
nunca ocurreva. Tunc io sugere que nos catastra in le servicio
"Hospitality Club", que es plus confidebile, plus cognoscite e contine
multo plus usatores catastrate. Plus informationes in:
http://www.hospitalityclub.org/
http://www.orkut.com/Community.aspx?cmm=36170
http://en.wikipedia.org/wiki/Hospitality_Club
http://en.wikipedia.org/wiki/CouchSurfing
http://en.wikipedia.org/wiki/Hospitality_service
Viagiatorialmente,
Antonielly Garcia Rodrigues
On 2/4/07, Alberto Mardegan <[log in to unmask]> wrote:
> Salute amicos!
> Desde mi relocation in Finlandia, io me ha registrate in le sito web
> http://www.couchsurfing.com . Le sito es dedicate a tote illes qui ama
> viagiar e visitar nove locos ma qui vole experientiar un viage plus
> adventurose que le usual residentia in un hotel offere: per iste sito,
> vos contacta directemente personas qui pote hospitar vos in lor proprie
> casa, usualmente gratuitemente.
> Toto lo que on debe facer es registrar se in le sito, scriber alicun
> informationes super se (datos personal, experientias de viages, linguas
> cognoscite, interesses, hobbies -- tote informationes es facultative) e
> supertoto indicar si vos pote hospitar viagiatiores in vostre casa. Le
> possibilitates es:
> - NO: vos non pote hospitar alicuno
> - NO, ma vos pote esser de compania: isto significa que vos non da
> disponibilitate de acceptar personas in vostre casa, ma vos es
> disponibile a incontrar viagiatores qui veni a vostre citate pro passar
> alicun tempore con illes; vos pote ager como guida turistic, o
> simplemente biber un caffe con illes.
> - SI: vos pote hospitar alicuno in vostre casa. Alora, on specifica le
> maximo numero del personas qui on pote hospitar, e le maxime durata del
> sojorno
>
> In omne caso, on non es obligate a acceptar le visitas de quicunque:
> quando alicuno vos contacta, on pote simplemente refusar le
> hospitalitate -- isto non ha ulle effecto negative.
> Si on vole viagiar a un loco, on suffice scriber in le sito le nomine
> del citate ubi on vole vader, e le sito presentara le lista del personas
> qui vive ibi e que ha date lor disponibilitate a hospitar vos. Postea on
> selige le "victima", on le scribe e attende un responsa (si negative, on
> cerca un altere).
> Tote le servicios del sito es completemente gratuite.
>
>
> E nunc le question plus importante: perque io ha scribite iste lettera?
> Ben, io crede que couchsurfing pote esser un bon maniera pro incontrar
> se (nos interlinguistas) foras del conferentias international, e io ha
> create un gruppo nominate "interlingua" al qual io vos invita a adjunger
> vos:
>
> http://www.couchsurfing.com/group.html?gid=4636
>
> Un altere nota: multe usatores del sito es juvene -- isto non es debite
> a un restriction del sito (illo es aperte pro totes), ma probabilemente
> pro un ration cultural. Iste typo de tourismo es multo recente, e io
> suppone que multe personas ha un certe (comprensibile) diffidentia in
> hospitar in lor casa personas totalmente incognite. Ma de facto il ha
> nulle obligation, e tote etates es benvenite!
>
> Vamos adjutar le interlinguistas a incontrar se!
> Mi profilo: http://www.couchsurfing.com/profile.html?id=1MI2BXU
>
> Ciao,
> Alberto
>
> --
> Archivos e disabonar: http://listserv.icors.org/archives/INTERLNG.html
>
--
Archivos e disabonar: http://listserv.icors.org/archives/INTERLNG.html
|
