}
}Car amicos,
}  Corectemente, pro comprender, a concatenar duo
}parolas il non debe massacrar uno.
}  Un caso clar es a usar le morphema _i_ depost
}eliminar le suffixo del spirito, dunque
}spirit_i_litteralista (spiritilitteralista in loco del
}spilitteralista) - un anglese pote intender "spy" or
}"sp..".
}  E.g. agr_i_cultura, silv_i_cultura, pom_i_cultura.
}
}  Ecce un situation legitime quando nos habe le sono
}"i" con le signification "and" in tote le linguas
}fonte.
}
}Gratias Cellus!
} D_y_Cristian

Le Grammatica de Gode e Blair dice a paragrapho 160,
"Active composition in interlingua es limitate a, mais
totalmente libere in le limitates de, patronas analogic.
Isto significa que - a parte de formas compositional
que functiona como affixos virtual - le elementos
a junger se in un nove composito debe occurrer, cata un,
in un o plure compositos traditional que servi de
monstrar le forma per le qual parolas distincte entra
le composito.  Nota que le majoritate de compositos es
jungite per un vocal compositori.  Isto disappare
generalmente quando le prime sono del secunde elemento
es de novo un vocal.  Le vocal compositori es frequentemente
mais non necessemente le normal termination del prime
elemento quando usate como un parola independente.  In
le grande majoritate de compositos le vocal compositori
es -o- o -i-."

spirito + litteralista

Io cercava hodie in le IED e discoperiva le
thema "spiritu-" pro compositos.

Assi, io crede que in loco de "spiritilitteralista"
on scribe "spiritulitteralista".

Quando on forma adjectivos per composition de  un adjectivo
e un substantivo, on usualmente cambia le -e del adjectivo
a -i- como un vocal compositori.

late + collo -> laticolle
albe + flor -> albiflor

Mais con duo substantivos:

hamo + rostro -> hamirostre
unda + sono -> undisone

Cordialmente,
Stan