>Date: Mon, 1 Sep 2008 08:31:40 +1000
>From: Ado Hall <[log in to unmask]>
>Subject: Re: Limitationes in evidentia linguistic
>
>Salute Stan,
>
>Io crede que io comprende melio tu intention nunc. Ha un corpore de
>cognoscentias re le etymologia del particulas grammatic in le linguas
>romance super le qual tu basava le extraction de tu lista de
>particulas grammatic. Alora tu non dice que isto non existeva in 1940.
>Tu dice plus tosto que le perspectiva de Stillman e Gode era limitate
>- al linguas romance major.
>
>Es assi?
>
>--
>cordialmente
>Edo
Mi car Edo,
Io ha essayate multe vices obtener tu adresse postal tal que
io pote inviar te "Ha le IED Errores?" In illo io da detalios e
un lista del 183 particulas romance. Le costo de postage pro te
es nihil, e illo non es importante a me.
Le cartas de Dr. Gode que io possede, super le qual ille ha
registrate le variantes in latino, anglese, francese, italiano,
espaniol, e portugese, quando ille ha facite su studio del
particulas, esseva scribite in 1940. Alcuno ha scribite al cima
del prime carta "1940". E isto monstra que le studio esseva
limitate a solmente le linguas angloromance, e illo ha demonstrate
que le anglese, con particulas anglosaxon, es a pena utile pro iste
scopo, lassante solmente le tres linguas romance major fontal. E
quando vos ha solmente tres linguas, e le regula de tres pro le eligibilitate,
vos va perder solutiones quando mesmo un variante
es in discordo con le altere duo. Si possibile le sol solution es
trovar altere linguas que ha un bon possibilitate de haber variantes
que va junger con variantes in le original tres. Isto esserea le
linguas romance minor. Internationalitate per le extension de
particulas a altere linguas esseva irrelevante. Isto raremente
occurre con linguas. Il es importante trovar linguas con un
ancestre commun, in iste caso le protoromance, e spera que in
al minus tres casos, il haberea variantes con un prototypo commun
a alcun puncto inter 0 c.e. e 830 c.e. (quando le linguas romance
ha apparite in scripto). Io ha selectionate catalano/occitano e romaniano.
Il ha hodie bon etymologias pro e le catalano e le occitano. Un es
http://www.enciclopedia.cat/
Un altere limitation del studio de Gode esseva que ille ha
controlate le studio per particulas latin o francese. Per isto ille ha
comenciate con le particula latin o francese e ha cercate pro su
descendentes in le linguas romance major. In plure casos le particulas
latin habeva necun descendentes proque le particulas in le linguas
moderne ha essite introducite in o le latino vulgar o de altere
fontes (como le franco). Gode diceva (io traduce): "Lacunas [in
le resultatos] debe esser limitate a casos in que familias de
particulas de espaniol, italiano, e portugese non ha relationes
in francese e necun ancestre directe in latino. Iste lacunas non
pote esser claudate perque necun listas de particulas in aquelle linguas
esseva disponibile."
Io ancora ha alcun problemas con le particulas de romaniano, mais
sovente on pote determinar quando illos es de origines similar a altere
variantes in le altere linguas romance. E un de mi libros philologic
super le linguas romance da alcun information super le particulas de
romaniano e lor origines.
Salutes!
Stan Mulaik
--
Archivos e disabonar: http://listserv.icors.org/archives/INTERLNG.html
|
