Amicos,
Io ha habite le sequente excambios de messages con Josu Lavin con respecto
a su WikIA:
>Date: Fri, 25 Jan 2008 07:46:03 +0000
>From: Josu Lavin <[log in to unmask]>
>To: [log in to unmask]
>Subject: Invitation Private
>
>Car amico Stan,
>
>Volerea vider tu nomine in le Frontispicio de WikIA:
>
>http://interlingua.wikia.com
>
>In que ha tu collaborate?
>
>Tu collaboration sempre ha essite grande con le scopos de WikIA, le Wiki de
>Interlingua, perque io ha apprendite sempre multo de te.
>
>Per favor, vole ben repensar lo et communica me tu decission.
>
>
>
>Imbracios amical de tote corde
>
>Josu Lavin
>
>
>Vońle __,_._,___
===============================
Stan:
Io ha visitate le sito de WikIA, mais io non sapeva multo como navigar lo.
Io ha vidite plure references in titulos de messages a romanica, e
a causa de su previe comportamento a interlng con respecto a su
romanica, io ha questionate proque illos es la. Ille ha respondite:
===============================
>Date: Mon, 28 Jan 2008 07:59:27 +0000
>From: Josu Lavin <[log in to unmask]>
>To: Stanley Mulaik <[log in to unmask]>
>Subject: RE: Invitation Private
>
>Car amico Stan,
>
>In WikIA il ha le dictionario Interlingua-Romanica como il ha
>Interlingua-Qualcunque_Altere_Lingua, ma il non ha Romanica ubi deberea
>esser Interlingua.
>
>Io non pote comprender como tu dice isto, quando WikIA es clarissimemente
>le Wiki de Interlingua de IALA con le acceptation de iste personas qui
>appare in le Frontispicio: Jan Armann, Erik Enfors...
>
>Si tu ha un altere motivo dice me lo.
>
>Romanica va apparer in WikIa como il potera apparer anglese, esperanto,
>basco, chinese, etc,. il es a dicer como lingua de traduction del paginas
>principal.
>
>Vole ben reconsiderar lo.
>
>Salutationes cordial
>
>Josu Lavin
Alora io ha recipite iste message:
>Date: Mon, 28 Jan 2008 10:02:15 +0000
>From: Josu Lavin <[log in to unmask]>
>To: Stanley Mulaik <[log in to unmask]>
>Subject: No invitation
>This message was written in a character set other than your own. If it is
>not displayed correctly, click here to open it in a new window.
>
>
>Car Stan,
>
>Io lo ha pensate melio.
>
>Tu non va apparer in WikIA. Io ha parlate con membros del Academia pro
>Lingua International (inter illes multe interlinguistas europee) e nos ha
>decidite que in WikIA non debe apparer ni tu nomine ni ulle mulaikismo.
>
>Io voleva un WikIA plus aperte, ma tu non ha sapite comprender isto ab le
>prime momento e solmente tu voleva vider repetitemente referentias a
>Romanica ubi illo non existe.
>
>Io lo senti multo, ma in avante io va defender in tote le foros le
>Interlingua de Erik, Jan, Piet, etc.
>
>Amicalmente
>
>Josu Lavin
Qui es le Academia pro Lingua International? Proque es illo responsabile
pro qui entra WikIA? E proque es Josu tanto defensive super questiones
super le apparentia de romanica in WikIA? Ille debe saper que in le
passato nos esseva ennoiate per su repetite uso de romanica a interlng.
Certemente nos va haber questiones super su fidelitate a interlingua.
E proque vole ille excluder me proque io ha levate iste questiones?
E es illo un bon idea que ille exclude alcuno de apparer in WikIA?
Proque debe ille ha tote iste approbationes de collaboratores? Es isto
pro interlinguistas o non? Proque debe illes haber necessitate de su
invitation e permission postar o non in WikIA? Es isto pro Josu o
pro interlinguistas?
A ver dicer, io non sape como navigar o postar materias a WikIA. Io
ha essayate vider le messages e materias jam postate la, mais io non
sapeva como revelar los. Assi io non habeva facite un decision final
super si o non io va collaborar a WikIA quando io ha recipite su
message que ”Tu non va apparer in WikIA”.
Ora ultra le question de romanica in WikIA, io ha plus seriose
questiones super mi participation in WikIA. Il haberea essite facile
pro Josu simplemente responder a me, “Stan, WikIA es solmente pro
interlingua. Observa lo que occurre la, e si tu vole collaborar con
nos, alora tu esserea ancora ben venite.”
Io spera que necun del collaboratores jam listate ha avisate le
excluder me e mi “Mulaikismos”. Generalmente io crede que vos es
gentilhomines e non participarea in un tal exclusive comportamento.
Salutes!
Stan Mulaik
--
Archivos e disabonar: http://listserv.icors.org/archives/INTERLNG.html
|
