Newton Ramos-de-Oliveira wrote:

> Ad omne amicos,
>
> Periculo: le morte de linguas
>
>
>
> Parte Uno
>
>  Ecce quod io tenta facer.

Tu pote quietemente scriber "Ecce _que_ io tenta facer."

> In le annos  '90, Michael Krauss ha spaventate le mundo (...)

Ille ha _espaventate_ le mundo...

Personalmente ego prefererea "terrificate" ben que nos ha in omne linguas parolas relate a "terrificar, terror, terrorista".

> con su prevision de que medietate de le linguas parlate-morirea in un seculo. Krauss, professor in le Universitate de Alaska-Fairbanks, ha fundate le "Centro de Linguas Native de Alaska" como tentative de preservar ulle linguas adhuc cognite per le indianos del region. A minus que le scientistas e le duces politic face magne effortio a nivello mundial ad interrumper iste declino de le linguas plus parve , ille adverte, probabilemente nove decimos del diversitate de linguas del humanitate es predestinate ad disparer.  (le articulo va continuar)

Mi proprie opinion:
Ante alcun annos ego haberea essite in concordo con le idea que on debe salvar le micre linguas, ma ego vide in plus que isto es un cosa que le parlatores ipse pote decider. In alcun senso io ha le suspection que le cura pro le diminuente linguas es un cura de commoditate.

In Europa nos audi le mesme historia. In Svedia e Francia durante le prime parte de iste seculo e anque forsan antea, on postulava que "le svedese" e "le francese" es le sol lingua que merita uso. Senior Mahe, un famose interlinguista, me narrava como ille debeva apprender le francese e non habeva le derecto parlar breton quando ille era juvene. In Svedia le population finnoparlante in Tornedalen (Tornion laakso) non debeva parlar lor dialecto finnese.

Nunc subito omne le paises, particularmente Francia, ma anque Svedia, ha comenciate parlar del derecto de omne linguas. Hmm, on gratta su capite. Proque subito iste interesse pro le linguas de minor uso? Ha! Naturalmente, le linguas se senti minaceate per le _anglese_.

Si on vole esser macchiavellian on pote dicer que tu optime garantia de superviventia es que tu oppressores ha un inimico qui pote supportar te!

Si longe que on ha un nation, il es un interesse que tote iste nation se comprende mutualmente. Si le politicos parla del diversitate, il pote solo significar que il ha altere interesses detra le scena.

Kjell R