Denis scribeva un interessante message
in re le possibilitate introducer
interlingua in un movimento como illo de
Damanhur. Io spera que io non jam ha
respondite iste message, non trova
vestigios de isto, proque io vole probar
provider un optime responsa. Forsan io
scribeva e erradicava. Per consequente,
si isto es un repetition de qualcosa que
io jam ha scribite, vole ben disculpar
mi mal memoria!

Vamos! Il es multo tentantive approchar
un organisation que forsan ha uso de
interlingua, tamen on debe pensar que le
humanos debe ipse haber le possibilitate
discoperar interlingua. Nulle humano, ni
vos, ni io, vole acceptar alque
proponite de alteres. Nos vole ipse
facer nostre discopertas. Nos es un poco
- al minus - como le tyrannos in le
historia, qui voleva que le consilios de
lor ministros era assi formulate quasi
le tyrannos ipse habeva le pensate.

Il ha un numero de religiones - sectas
si vos vole - que labora pro un mundo
con un lingua, pro exemplo le baha'is,
ma illes non es multo interessate in
interlingua. E il non esserea bon pro le
lingua si le usatores de interlingua
esserea solo baha'is. Tunc on repelle
omne le altere personas.

Le programma radiophonic que io
ascoltava narrava de varie
organisationes que usa su proprie valuta
(moneta), como le Citate Libere
Christiania in Copenhagen que jam plus
que 30 annos es su proprie territorio
libere in Danmark, con su proprie
moneta, le _lønn_ (salario). On produce
un nove moneta _lønn_ cata anno! Un
interessante objecto pro collectores
forsan.

Le spiritual o religiose lateres del
damanhurianos era solo momentanemente
illustrate in le programma. Lo plus on
parlava del special valuta, le creditos,
e le division del societate.

A mi aviso on non debe perder energia in
parlar in re interlingua ma on debe usar
lo maximalmente. Forsan on pote inviar
un demanda a Damanhur.

Cellus