Seismos!
  Un vice io ha assistite a un conferentia professional in
Riverside, California.  Iste citate es in le vicinitate 
del famose Fallia de San Andreas, e io sapeva isto quando
io ha ite al conferentia. 
  Le prime nocte del conferentia io dormiva quando a
circa 0130 horas io me eleviate a causa de un ruito in
le tecto de mi camera in le hotel.  Le hotel esseva 
vetere e un replica de un mission espaniol. In le tecto
de mi camera io videva (post ignir le lumine) que il
habeva parve plancas, e le ruito esseva lor frappamento
al un le altere per un vibration, que io tosto ha
recognoscite esseva le resultato de un seismo.  Io
ha rapidemente saltate al entrata al camera de banio pro 
trovar un loco de alcun (non multo) securitate in caso que
le edificio ha collapse. Tosto le tremulo e le ruite
ha cessate, e io ha retornate a mi lecto, ubi io ha
ignite le television pro discoperir si il habeva novas
del seismo.  Lo que me ha stupefacite esseva vider que
le departimentos del novas in le stationes de television
habeva seismographos, e illes esseva in le acto de
reportar lor resultatos.  In California le seismos es
tanto commun que le stationes de television ha seismographos
justo como stationes de television in altere partes del
Statos Unite ha le radar meteorologic.  Le reporto esseva
que le seismo ha occurrite in le deserto circa 75 millas
al est de Riverside e esseva 6.7 del scala de Richter.
Le seismo ha facite derailer un traino. Fortunatemente
necuno ha essite occidite. Mais il habeva alcun pauc
injuriatos.  Le stationes de television ha advertite que
il possibilemente haberea alcun choccos secundari, e ja in
facto un ha occurrite cerca duo horas post le prime seismo.
Illo non esseva tanto forte como le prime.  E al reunion
del conferentia le proxime matino nos ha excambiate
experientias del seismo, e un altere chocco secundari ha
occurrite durante que nos ha date nos nostre contos.

Trumulante,
Stan Mulaik
.
----- "Allan Kiviaho" <[log in to unmask]> wrote:

> HRI Varberg - le umbilico del mundo
> xSteI xEnfE
> 
> [log in to unmask]
> Lege con fonte Courier new 10!
> 
> Estimate interlinguistas!
> 
> --------------
> Veter anthrace
> --------------
> 
> Recentemente in nostre cabina finseptimane in foreste
> quando nos connecteva nostre television pro le novas
> matinal le schermo era plenate con un mappa de
> Scandinavia que era fornite con un singule puncto e
> nomine: "VARBERG". Nos era stupefacte sed tosto il se
> monstrava que il era question de un epidemia de veter
> anthrace.
> 
> Como cognite, Varberg es un del centros principal de
> interlingua in Svedia, un citate ubi habita Ingvar
> Interlingvar Stenström, le Socrates de Varberg e Erik
> Enfors, etiam un veterano emerite de interlingua. Erik
> es un veterinario pensionate e certo multo ben sape le
> veter anthrace - como etiam faceva mi patre qui era le
> prime doctor veterinario in le historia de Finlandia
> ( http://www.interlingua.fi/kiva/haanedoc.htm ).
> 
> ---------------
> Tremor de terra
> ---------------
> 
> E post alicun dies Varberg (tote le vicinitate de
> Varberg) era un centro de attention pro un
> relativemente grande - e rar in Scandinavia - incidento,
> un tremor de terra que era observate etiam in
> Copenhagen, le urbe de "Panorama".
> 
> Io ha experite un seismo tres vices in mi vita: In
> Finlandia e Helvetia - in ambe casos io "audiva"
> solmente un enorme tonitro INFRASONIC, sed altere
> personas, mi sposa includente, circum me remarcava
> nihil. Iste incidentos era un grande sensation in le
> media in ambe paises, in Helvetia iste seismo era le
> plus grande desde le 1930's.
> 
> In 1966 nos sentiva in un hotel in Mostar (le capital
> de Hercegovina in ex-Yugoslavia) que le pavimento
> vacillava. Nos non credeva que illo era un seismo sed
> pensava que il era question de un rivo subterrestre.
> Le sequente die nostre amicas con qui nos habeva
> facite amicos quatro annos antea in Bohinj, un
> placia meraviliose in Slovenia, diceva que il habeva
> occurrite un seismo que era tanto forte que on poteva
> sentir lo ancora in le secunde etage - sed non in le
> prime.
> 
> Ante alicun annos quando un seismo terribile habeva
> occurrite in Turchia, est de Istanbul, nos passava
> nostre vacation in Marmaris. Il occurreva un seismo
> mesmo in Marmaris sed illo era assatis debile.
> Nonobstante alicun personas era ferite - illes qui
> habeva essite evacuate ab le sito terribilissime in
> Turchia del nord e qui habeva saltate via per
> fenestros. Nos arrivava a Marmaris solmente quatro
> dies post le ultime post-tremor. Le turcos era ancora
> nervose e un parte e.g. del personal de hoteles
> passava lor noctes al aere libere, como etiam alicun
> touristas finlandese e alteres. Mi sposa e io
> pernoctava in le casa sed nos habeva nostre pantoflas
> dirigite verso le porta exterior.
> 
> Ben, nos non ha experite un ver tremor de terra sed il
> era menaciante a esser apud un area in Agadir,
> Morocco, que habeva essite totalmente destruite per
> un seismo.
> 
> -------------------------------------------
> Varberg ex angulo de historia e interlingua
> -------------------------------------------
> 
> In Varberg existe un fortalessa magnific medieval, que
> se trova ancora in bon condition. Ab ille fortalessa
> Margareta, le regina danese, regeva in le 13e e 14e
> seculo super tote le Scandinavia e Finlandia e mesmo
> Islanda.
> 
> E illac ancora rege le grande interlinguista, Ingvar
> Interlingvar Stenström, le Socrates de Varberg, qui ha
> essite un interlinguista durante plus quam 50 annos e
> inseniate interlingua in schola durante multe, multe
> annos.
> 
> Lo que es multo importante es que Ingvar ha scribite
> su memorias que va - speramente - imprimite tosto.
> 
> - - -
> 
> Salutante
> 
> Allan Kiviaho
> 
> :::::::::::::::::::::::::::::::::::::::::::::
> Kiviaho Allan
> SILY - Suomen Interlinguayhdistys ry.
> FILF - Föreningen för Interlingua i Finland
> AFIL - Association Finlandese pro Interlingua
> http://www.interlingua.fi
> http://www.interlingua.fi/ceiafil/ceia.htm
> - - - - - - - - - - - - - - - - - - - - - - -
> ePosta - Sähköposti - eMail, clicca:
> http://www.interlingua.fi/kiva.htm
> :::::::::::::::::::::::::::::::::::::::::::::
> 
> --
> Archivos e disabonar: http://listserv.icors.org/archives/INTERLNG.html

--
Archivos e disabonar: http://listserv.icors.org/archives/INTERLNG.html