d[981107] x[Allan Kiviaho]  KivA-8N7
s[Finlandia e le alte technologia]
(Usa Courier New 10 si vos il place)

Amicos,

Ecce alicun verbos orgoliose.

--------------------
FINLANDIA E INTERNET
--------------------

40 per centos de domicilios finlandese possede un ordinator
casa habente connection al internet, i.e. 2 milliones del
population total de 5 milliones. Isto es le plus alte cifra
in le mundo si contate per capita.

Le Republica Finlandia ha como un projecto statal a facer
Finlandia un ver societate de information si tosto quam
possibile. Usque al fin de 1999 cata finlandese ha un
identitate electronic assecurate pro le technica de
cryptation le plus moderne. Usque alicun annos cata
domicilio debe posseder un ordinator casa o un television
digital o un manuphono etc. connectite al internet.

----------------------
FINLANDIA E MANUPHONOS
----------------------

In 1998 septembre le quantitate de manuphonos in Finlandia
superpassava 50 per centos del population. Svedia ha le
secunde placia con 44 per centos.

Le compania finlandese, NOKIA, es nunc le plus grande
fabricante del manuphonos in le mundo, ante LM Ericsson
(Svedia) e Motorola (USA).

Electronica e informatica es nunc le plus grande branca de
industria exporta in Finlandia, surpassante le industria
arboree.

-----------------
FINLANDIA E LINUX
-----------------

Omnes cognosce sr. Bill Gates, le imperator. Un de poc
menacias de su imperio, Microsoft, es Linux. Linux es un
systema operation que es usate in ca. 10 milliones
ordinatores in le mundo. Desde recentemente IBM, Oracle e
Netscape ha se alliate post Linux.

Un stupefacente facto es que Linux es un creation de
singule juvene studente finlandese, Linus Torvald. Un
juvenissime puero contra 25 000 soldatos professional de
corpore de armea de marechal Bill Gates!

Linus Torvald ha facite isto tote totalmente gratis. Si
ille haberea prendite salario pro su travalia ille haberea
ganiate milliardos de euros. Iste matino, 0730--0930, le
canal television de nostre corporation diffundeva un
programma que era dedicate a informatica. Inter le
participantes era le ministro de arrangiar, sr Jouni
Backman, directores finlandese de plure grande companias
de informatica, como IBM, ICL, Microsoft, Oracle e ex
le celebrate Nokia le director de developpamentos futur.
Illes telephonava a California a Linus Torvald, qui lavora
al un nove compania american, Trans-Meta, con un projecto
que es tal secrete que ille es permittite a dicer necun
de illo.

-----------------------------------------------
Mika Häkkinen - le grande filio de Martinlaakso
-----------------------------------------------

Quando le jornales finlandese publicava grande rubricas
"Martinlaakson Suuri Poika" (Le grande filio de
Martinlaakso) illes non mentionava me, etiamsi io
anque vive in Martinlaakso (Mårtensdal in svedese, Valle
de Martin). Mika Häkkinen deveniva campion mundial a
cursa de autos Formula uno. Le "Mika Häkkisen fan-klubi" -
The Fan Club of Mika Häkkinen - ha loco trans le pariete
del loco de travalio de mi sposa. Le previe campion
mundial, Keke Rosberg, es un cognato de mi sposa.

Orgoliosemente

Allan
Un orgoliator