Marciano Schaeffer scribeva:

> ultimamente, le passate mense, le esperantistas ha presentate
> un motion nel parlamento europee pro promover le esperanto al
> status de lingua del Union Europee! Ha habite un votation e le
> proposta ha perdite por 120 a 160 votos! solmente 40 votos!

Que follia. Que ha esperanto, extra un gruppo de pression
clamorose, que es preciose, cultural o linguistic, pro Europa?
Io abhorre le notion que un lingua si fede, deforme e innatural,
un ideologia, haberea un function in le magistratura.

> Le membros del parlamento sape del possibilitates e avantages
> de interlingua, que illo es multo superior al esperanto pro
> esser le lingua del Union? Non es hora de comenciar un
> travalio con linguistas de importantes universitates europee
> pro discuter melior iste question e presentar al classes
> politic e al societate in general le ideal vermemente europee
> de interlingua? Europa besonia un lingua comun e ista, a mi
> vider, non debe esser le anglese, sed un lingua como
> interlingua, basate super le radices roman que ha formate le
> spirito e le cultura europee!

Io non es certe que poterea esser le valor de interlingua pro
Europa e le UE. Ma io es certe que on debe hastar de propagar
interlingua, proque si esperanto habera facite se un nido in le
institutiones europee, le possibilitates de interlingua sera
perdite. Isto es le lege del avantia frenante: si un systema es
empleate, un systema melior es excludite. E esperanto, con su
ideologia de solution universal, es multe excludente.

--
Peter Kleiweg
http://www.xs4all.nl/~pkleiweg/argilla/