Mercuridi, le 30 oct 2013, Stanley Mulaik <[log in to unmask]>  
scribeva (extracto):

> On Sat, 26 Oct 2013 16:45:44 +0300, Allan Kiviaho  
> <[log in to unmask]> wrote:
>
>> Io opina que le plus importante instrumentos pro apprender interlingua  
>> son:
>>
>> 1. Le grammatica official de interlingua per Alexander Gode e Hugh E.  
>> Blair:
>
>   Isto es le INITIAL grammatica, non le "grammatica official" de  
> interlingua.

Io disaccorda vehementemente a Stan Mulaik. Un "grammatica official" de  
interlingua es un NECESSITATE URGENTE. Si un lingua auxiliar  
international, como interlingua, non ha un fundamento stabile, illo  
morira. Vide mi essayo (anglesemente) "Thoughts on IAL Success"  
http://www.panix.com/~bartlett/thoughts.html . Il ha multe linguas  
auxiliar proponite, le quales moriva a causa que illos non habeva un  
fundamento stabile. Instabilite del grammatica es mortal. Esperanto, le  
lingua international constructe le plus succedite, ha succedite in parte a  
causa que illo ha, e ha habeva, su "Fundamento de Esperanto." Io itera, un  
grammatica official de interlingua es un NECESSITATE URGENTE. Io non  
desira que interlingua mori, e le innovationes de grammatica essera  
mortal. Si, Alexander Gode non esseva un deo, ma le usatores de  
interlingua ha movite se ultra le ideas theoric. Interlingua ha devenite  
un lingua ver, un lingua practic e vivente, e si il ha personas, qui se  
continua reparar inexpertemente le grammatica, interlingua morira, e le  
mundo non lo considera seriosemente.

(E io assere que solmente le Sr. Mulaik e su pauc discipulos es le sol  
personas qui agita al alterationes de plus que un meditate de seculo de  
usages. Io non ha legite altere personas qualcunque qui ha recommendate su  
alterationes moderne.)

-- 
Amicalmente ad omnes,
Paul Bartlett


--
Pro leger le archivos e pro modificar o cancellar le subscription:
http://listserv.icors.org/archives/interlng.html