Le traditional conferentia international de interlingua, normalmente
arrangiate omne duo annos in annos impar, non pote esser realisate in
2007. Le causa es miscomprensiones inter le responsabiles del recercas.

Ma pro non esser sin le biannual possibilitate de "cargar le batterias"
mental, un gruppo del Union Danese pro Interlingua vole investigar le
possibilitate de arrangiar in vice un "conferentia minor" in Danmark
secundo le modello usate pro le Incontros Nordic de Interlingua
(arrangiate desde 1988):

mercuridi
jovedi
venerdi
sabbato
dominica
arrivata

de 11 horas: cursos parallel
a) curso intensive de interlingua (pro omnes)
b) curso pro inseniatores futur de interlingua
Cursos parallel tote le die
Cursos parallel usque ca. 15 horas

de ca. 16 horas: conferentia
Conferentia tote le die
Conferentia usque lunch

Post le lunch: A revider!


Post le conferentia minor, on pote esser tourista. Materiales touristic in
interlingua essera preparate in avantia.

PARTICIPATION
On potera assi inscriber se pro:
a) Le curso solmente
b) Le conferentia solmente
c) Le curso + le conferentia

PRECIOS
Nos va investigar plure possibilitates, troppo tosto a mentionar in
detalios. Le consilio del UMI debe prender le decision final, si tosto que
nos pote presentar propositiones concrete.

TEMPORE
Le tempore de quando arrangiar le conferentia minor es essential. Pro isto
nos desira haber opiniones de isto. Julio es excludite. Illo es troppo
tosto, e on debe assumer que le majoritate ha desde longemente planificate
lor vacantias. - Nos non ha un proposition concrete. Nos ha discutite
augusto e non troppo tarde in le autumno.
    Nos besonia urgentemente saper qual tempore on trova apte (si le precios
es bon, naturalmente, lo que nos non ancora sape). Dunque, per favor,
reage a iste message e dice nos, qual tempore essera apte pro un
conferentia minor.

---

Le gruppo danese attende vostre reactiones si tosto como possibile, assi
que nos pote initiar nostre investigationes!

Con mi optime salutes
Thomas Breinstrup

--
Archivos e disabonar: http://listserv.icors.org/archives/INTERLNG.html