Car Allan

Re le Alienation Cultural.


Iste problemas del uso inutile del anglese in Brasil que tu tracta en tu
lettera re le alienation cultural es multo importante. Io los recognose de
Norvegia, qui in alicun respectos es simile a Brasil, ma in altere non.
Tamben hic nos ha vidite un uso multo inutile del anglese in multo
contextos, e nos lo tamben ha discute publicamente. Primeramente io debe
decir que nos son in un situation differente de Brasil o Finlandia proque
norvegiano (e svedese e danese) son linguas germanos, multo simile a base
del anglese e pro iste multe parolas son casi simile in anglese e
norvegiano. Iste resulta que multe personas in Norvegia parla e lege
anglese ben e vide anglese como un cosa evidente e natural tamben in un
contexto norvegiano. Ma il ha limites, p.ex. in mi citate Risør, alicun
annos retro nos habeva un debatto public re le uso del insignias public in
anglese. Le concluson era que nos trova un "entente cordial" que le uso
public del insignias in anglese non es un bon gusto (le autoritates del
citate non vole removar iste insignias que existe, ma illes non vole
acceptar novas), e multo rapido omnes ha disparete. Hodie, in mi citate e
in multo altere locos norvegiano on ha le mesme opinion; que le uso inutile
del insignias anglese non es un bon gusto, ma in altere partes del pais
iste perception non ha venite.
Ma, e isto es secunde mi opinion importante; le uso inutile del lingua
anglese non es le resposibilitate del anglophones, illo es le
responsabilitate del gente que non comprende qui isto resulta in un
povrisation del lingua materna, e pro facer qualcosa de iste multe gente
deve primeramente comprende que iste es un problem.



Sinceramente, kjellt