In 2010, le Union Mundial pro Interlingua (UMI) offere un abonamento digital a Panorama in interlingua, le magazin international de novas publicate integremente in interlingua omne duo menses.

Le version digital es identic con le version imprimite sur papiro, ma il ha plure avantages de devenir abonato digital: Le expedition del magazin final es multo plus rapide per posta electronic que per posta gastropode. Le amonta de CO2 usate pro imprimer e expedir lo es multo minor. Le version digital es con photos e illustrationes in colores. E - non minus importante - le precio del abonamento es plus basse pro le version digital que pro le version sur papiro.

A fin de saper como es le interesse inter abonatos presente e futur, le UMI invita vos omnes a orientar vos plus super le possibilitates - e le precios! - e dar al administration un indication de tu interesse per visitar:

    http://www.interlingua.com
    Clicca sur "Abona Panorama in forma digital"

Dunque adjuta nos a augmentar le numero de abonatos - sur papiro e in forma digital - per annunciar le nove possibilitates a amicos, collegas, membros del familia etc. In collaboration nos pote augmentar remarcabilemente le uso active de interlingua.

Con mi optime salutes
Thomas Breinstrup
redactor del Panorama in interlingua

P.S. Quando tu visita www.interlingua.com, alora reguarda le multe altere possibilitates e offertas (gratuite) del sito. Io pote p.ex. mentionar:

- Radio Interlingua (http://www.interlingua.com/radio): usque ora 15 emissiones in interlingua, a ascoltar directemente o a discargar como files MP3
- Le Bibliotheca electronic in interlingua (http://www.interlingua.com/e-libros): un selection sempre plus grande de e-libros in interlingua, alcunos con audio
- Interlingua pro juniores (http://www.interlingua.com/juniores): multe materiales interessante pro juniores
- Servicio de Libros (http://www.interlingua.com/libros): un large selection de litteratura original e traducite, professional e belletristic in interlingua, que on pote ordinar e pagar directemente
- Libros publicate per Lulu (http://www.interlingua.com/lulu): un sempre plus grande collection de titulos imprimite per Lulu.com, que on pote ordinar e pagar directemente
- Dictionarios e cursos (http://www.interlingua.com/instruction-national): cursos e dictionarios gratuite, directemente a usar
- Historia de interlingua (http://www.interlingua.com/historia): inspecta un ric varietate de amusante e interessante factos super le historia de interlingua
- Information national (http://www.interlingua.com/infonational): information super interlingua in quasi 30 linguas
--
Archivos e disabonar: http://listserv.icors.org/archives/INTERLNG.html