STAN MULAIK wrote:

> (...)

> Nos ha le expression in anglese de "cancel a subscription" (cancellar un
> subscription o abonamento).  Mesmo pro le anglese "unsubscribe" es
> alquanto inhabile, ben que facilemente comprendite.  In anglese on
> non jammais scribe un periodico pro "unsubscribe oneself from their
> periodical", on scribe "I wish to cancel my subscription".  Le
> parola "unsubscribe" esseva un forma anglese create per un programmator
> de computatores, e illes semper ha le reputation de saper plus super
> linguas de computatores que linguas de homines.  Nonobstante illo es
> evidentia del poter in anglese de "un-" in crear parolas pro conceptos
> opposite.

Ego ha sentite _unsubscribe_ como un exemplo de linguage del technicos qui
non era multo interessate in le stilo del lingua. Forsan on etiam habera
necessitate de un curte parola. Un altere tal calco de anglese sembla esser
(corrige me si ego ha torto!) disemplear (disemploy). On non plus analysa le
parola in iste caso on forsan haberea create un parola "vacantiate" o
"evacuate" pro le liberar un persona de su labor!


> Mais como va cosas in Treviso?  Le tempore aqui in Marietta (proxime a
> Atlanta) es bon, con temperaturas circa 32 grados celsius.  Totevia le
> huracan Barry ha justo passate al costa de Florida e entrate le stato
> de Alabama, portante multe humidite del Golfo de Mexico a nos, e io
> opina que deman nos va haber multe pluvia de illo.  Il es le sonio de un
> mosquito!

Que es melior: + 13 grados (como hic et nunc) o + 32 grados con moschitos?
;-)

> Le mercato de stock aqui in le Statos Unite non va ben.  On lege alcun
> predictiones que il ha multe debito inter familias american, e quando
> illes perde lor empleos, toto va vader mal rapidemente in le regno de
> expendituras de consumitores. Al hora actual, le consumitores ancora
> compra le cosas, mais tosto illes va vider lor limites. Alcunos face
> le recommendation que on compra stocks europee e in altere partes
> del mundo ubi le commercio essera melior.  Totevia, si le economia
> del Statos Unite suffre, le resto del economias del mundo va suffrer.
> Alteros recommenda que on cresce le quantitate de obligationes
> commercial in tu portfolio.

Nostre radio national parla multo del bursa del Statos Unite, le NASDAQ e le
Bursa Nove York e le Statos Unite es le locomotiva del economia mundial.
München cade, London cade, Stockholm cade, Tokyo cade. Il ha un enorme
cadentia.

Le radio raporta etiam que Bush inviava un checo de moneta restitute al
pagatores de taxas. Ha Bush inviate alque a te, Stan? Il me sembla que toto
isto es un cosa de reclama politic. O que?

> Justo iste septimana mi banca ha indicate que illes va reducer (a
> lor option) le interesse de mi certificatos de deposito, a causa de
> conditiones del mercato.

Hmm, multo differente circumstantias.

Il sembla esser probabile que quando le Euro adveni il habera un certe fluxo
de investitiones a ille region (e mi povre pais, a causa de su povre
citatanos, sta extra isto!)

Cellus