CASCOS

New Hampshire paga un precio alte pro su
philosophia de  "Live Free or Die"
(Vive libere o mori).

Le periodico _Manchester_Union_Leader_
reporta que un nove studio per le Universitate
de New Hampshire ha trovate que 11 percento del
residentes del Stato suffere damno cerebral -
plus quam duo vices plus alte le percento
national (5%). Le injurias al cerebro in
accidentes es le causa principal de morte
in le Stato inter illes de 24 annos e
minus de etate.

Le major ration: Le legislantes de New Hampshire
refusa requirer que motocyclistas usa cascos.
Cognoscite pro su zelose individualismo, le Stato
ha refusate effortios in le passato pro requirer
que su population motocyclista qui ama su
independentia ferocemente pro poner se cascos.

Ma Christine Guarino, professor de UNH, qui
insenia un seminario de nivello post-graduate
super le damno causate per le feritas traumatic
al cerebro, nunc es le leader de un campania
con su studentes pro persuader le motoristas
a relinquer alcun de su amate libertate pro
poter salvar vitas - possibilemente le sue
proprie.

Le studentes de UNH ira a botecas de equippamento
sport, urgente empleatos a junctar se a illes in
le predication de usar le cascos voluntarimente.
Illes etiam disveloppa un acto theatral pro dar
publicitate in le scholas per tote le Stato.

Jam 15 Statos ha leges compulsori pro le uso de
cascos e 10 plus nunc considera tal legislation,
secundo le gruppo del UNH.

--
Copyright 2000 per United Press International.
Omne derectos reservate.
- traducite per Jay Bowks