Domenica, 16 feb 2003, alle 11:56 Europe/Rome, Jan Armann ha scritto:
> Amicos e particularmente Martijn e Jollino.
>
> Io opina que plures, como io, besonia plus instructiones. Hic es lo
> que io
> ha facite hodie.
>
> 1. Visitate un IRC foro via le sito de UMI e ha usate le nomine
> "janne". Duo
> personas esseva presente ma necuno ha me respondite. Proque non? Io ha
> disconnectite.
Le duo 'personas' que es semper in le canal, |Grande_Fratre| e X, son
in realitate duo bots. Un bot (= robot) es un programma que sta in un
canal pro facer alco.
|Grande_Fratre| vide lo que occurre in le canal, e permitte al
visitantes de http://jollino.info/interlingua de vider lo.
X face cosas pro le gestion del canal: da le status de operator a illes
qui ha bastante privilegios, etc.
> 2. Io ha discargate e installate le programma mIRC6.2
6.02 :)
> 3. Io ha pagate 20$ via PayPal pro registration. PayPal ha confirmate
> re
> reception ma io ancora ha nulle information de IRC como inscriber me.
Proque? mIRC functiona anque sin registration; illo non ha
limitationes, a parte le fenestra initial con le facie de Khaled.
Le registration non era necessari e, de facto, practicamente necuno
registrava mIRC. Tu poterea demandar: proque non, si illo es shareware?
Le responsa es simple: Khaled ha diffundite su nomine con ille
programma, proque mIRC es le programma le plus diffundite pro IRC in le
mundo windows. E le pubblicitate es sovente portator de moneta :)
IRC non besonia inscription. IRC es simplemente un systema de chat
quasi anonime.
Il ha multe differente retes de servitores IRC. Le rete in le qual on
ha le canal #interlingua se appella "Discussioni.Org". Non confunde
iste rete con altere retes! Pensa al canales como al stratas, e al
retes como al citates: tu pote vader al "Times Square" in Nove York, ma
si tu amicos attende te in le "Times Square" de un altere citate... tu
non les trova :)
In le lista del servitores de mIRC, il deberea haber "Discussioni".
Elige lo e connecte te, e entra in le canal #interlingua (io non sape
exactemente como facer lo per le fenestras de mIRC).
Si tu prefere scriber commandos, ricorda que toto lo que comencia con /
(slash, barra) es un commando. Isto es lo que tu debe scriber:
/server irc.discussioni.org
/join #interlingua
Isto es toto :)
Si tu vole cambiar tu nick, tu debe scriber: /nick tunovenick, p.ex.
/nick Janne
Forsan NickServ (servicio de registration de nicks) poterea dicer te
alco in italiano, invitante te a cambiar tu nick o a identificar te.
Isto significa que le nick que tu ha usate es registrate per alicun
altere. Tu debe usar un altere nick, o illo sera cambiate
automaticamente post un minuta, si tu non te identifica con le
password. (E si tu non sape le password, tu debe cambiar le nick :).
Si tu vole registrar tu nick, tu debe facer:
/ns register tupassword [log in to unmask]
p.ex.:
/ns register asereje1234 [log in to unmask]
E postea, quando tu connecte te de nove, tu debe facer:
/ns identify tupassword
p.ex.:
/ns identify asereje1234
Quando tu registra tu nick, tu potera cambiar le lingua in le qual
nickserv, chanserv e su servicios amicos te dice cosas. Tu pote usar le
commando /ns set language N, ubi N es uno de istos:
1 - anglese
2 - francese
3 - germano
4 - italiano
5 - portugese
6 - espaniol
7 - turco
8 - catalano
9 - greco
> 4. Io non sape como contactar le correcte foro de mi computator. - Io
> ha
> "broadband" e es connectite tote le die. Io pote tener le canal aperte
> tote
> le die e esser un persona contactabile pro visitatores. Como es io
> "eveliate" si qualcuno vole parlar? Alcun sono?
Forsan Martijn pote adjutar te pro isto. Io non usa mIRC ni windows.
A tosto :)
--
Daniele Nicolucci (Jollino) - [log in to unmask]
IRC Operator on Discussioni.Org (www.discussioni.org)
|
