[...]

> Le immigration  es  un  thema  de  discussion  inflammatori  como le
> religion, specialmente in iste dies  quando  le  extremitate dextere
> face grande progressos quasi ubique in Europa. Possibilemente il non
> ha personas qui vole riscar un combatto verbal.
>
>     [Nos in Nederlandia certemente ha experimentate le progresso
>     del dextrere  con le Fortuynistas  -  e nos ha  massivemente
>     regrettate le resultante circo politic que ha causate grande
>     damnos a  nostre reputation  international.   Pro le proxime
>     electiones  post-cadita-governamental  le 22  de januario se
>     predice  un cambio massive  al sinistra;  le Partito Social-
>     ista, quasi-communistas,  es ora multo popular.  Io time que
>     isto non va esser melior.]
>
> E un altere possilitate es que il non ha  personas  qui  ha  multo a
> dicer super le thema de immigration, como io.  Mi Marie ha immigrate
> ex Svedia a ci in Nederlandia[*] ma illa non ha  jammais experiment-
> ate alicun problema  relative a su  stato de immigrante.   Al altere
> latere,  isto pote esser debite al facto que illa es del occidente e
> ha le correcte color de pelle (attention, sarcasmo).
>

Io labora in un citate italian (Brescia, in Lombardia) ubi le immigrantes es
numerose e de varie nationalitates; plus que le media national, e in le
stratas on vide iste situation.
Io crede que un grande problema es le manco de integration de iste
populationes super toto lo que reguarda le uso del lingua italian.
Io vide que multe estranieros, in le major parte pakistanos, cingaleses,
marocchinos ha multe difficultates a apprender le lingua e de scriber lo.
Post tres o quatro annos de permanentia in Italia illes non es ancora
experte in le simple elaboration de informationes como: nomine, data de
nascentia, loco de habitation, qual typo de laboro illes face, etc.
Io nota isto, nam io a vices, les adjuva in le compilation de demandas de
empleo in mi firma.
Probabilemente illes vive in gruppos o clans multo clause e illes non usa
unquam le italiano in le vita quotidian. Il ha certemente scholas, cursos e
structuras social ubi on pote apprender le italiano, ma illes non lo usa.
Assi io nota que illes ha multissime difficultate a cercar empleo, e illes
face labores multo humile e con poc profito. Le risco de perder le labor es
multo elevate pro illes e in tal maniera, illes remane semper in un stato de
povertate e incertitude permanente.
In Italia mesmo, in iste ultime annos le varie governamentos ha facte leges
plus restrictive in materia de immigration. Hodie, il es multo difficile
pro un estraniero remaner in Italia, si ille non ha un labor secur. E le
pavor pro le estranieros ha securmente augmentate le incertitude pro le
futuro in le citatanos; partitos politic multo extremiste ha profitate de
iste situation.

Luca Ghitti