Stanley Mulaik wrote:

>Kjell ha scribite
>
>
>>Nunc ego non memora omne le detalios, ma il habeva in le historia un
>>discussion de incontro del olim secretario del Universal
>>Esperanto-Association, le secretario general e Gode. E si ego ben memora
>>Lapenna non sentiva que ille era sufficiente basse in rango academic pro
>>discuter con Gode (qui a ille tempore non era Doctor como Lapenna qui
>>(si ego ben memora era professor!) e Gode qui non voleva discuter un
>>lingua que non era le consequentia de un recerca academic! E intertanto
>>humanos usava le duo linguas, cata uno, con su imaginationes del avan- e
>>disavantages del linguas in question!
>>
>>Le historia ha certemente su punctos amusante!
>>
>>A vostre sanitate!
>>
>>
>
>Mi memoria falle a vices equalmente.... :-)
>
>Secundo Frank Esterhill in su "Interlingua Institute: A history"
>Dr. Gode ha recipite su Ph.D. del Universitate Columbia in 1939 in
>Studios Germanic.
>
>
(Le resto del interessante texto de Stan es delite per Kjell R)

Ego debe confessar que mi interesse in iste "abortite" dialogo ha essite
satis basse, primo nam illo non occurreva e secundo nam illo troppo
faceva pensar de politicos (alminus ci in Svedia) qui responde a un
question que lor condiscutente - un politico de un altere partito - non
ha ponite!

Proque on non pote facer un comparation inter espeeranto e interlingua.
On pote comparar germano e russo, svedese e hungaro sub varie aspectos.

In mi prime annos de interlingua quando ego como le entusiastic novicio
pensava que interlingua debe appellar a cata esperanto-parlante como
illo habeva fascinate me quando ego le prime vice videva le
Interlingua-English Dictionary in un grande magasin de libros in
Uppsala, mi urbe domestic.

Sed altere parlatores del lingua de Zamenhof era minus entusiastic que ego!

Sed durante le annos ego ha trovate que amical discussiones con
parlatores de esperanto e altere auxiliar linguas ha date multe bon
cosas, nam per communicationn on pote dicer lo que interlingua non es o
lo que esperanto non es. On non necessariemente debe haber le scopo de
"ganiar" un debatto. Il suffice - secundo me - que on describe le
factos. Tanto como ego cognosce interlingua-parlante personas qui ha
comenciate studiar esperanto, ego cognosce parlatores de esperanto qui
ha comenciate studiar interlingua.

Viste que ego non cognosce Gode como orator ego non pote judicar como un
incontro con Lapenna  haberea finite. Le facto es que Lapenna era un
multo bon orator, secundo me.

Kjell R

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================