Car Nik,

Tu scribeva:

"Gratias pro le ligamine al articulo de Ingvar, me illo non contine necun
analyse phonologic pertinente al sono [ʒ].
Ora io comprende que parlatores scandinave ha difficultate con le sono [ʒ] e
Ingvar usava [dʒ] como un substitution pro facilitar le inseniamento.
Illo es un solution practic del problema pedagogic, ma iste substitution non
debe esser usate como le norma del lingua.
Le norma pro le suffixo -age es [-ɑʒe]. Si nos vole stabilir le forma de
pronunciation in le dictionario, illo debe esser correcte e conforme a
Grammatica de Interlingua."

Le ligamine al articulo de Ingvar non esseva inviate per me, ma per Kjell,
io crede.

Mi intention esseva solmente responder a tu question de proque Ingvar
prefere [dʒ], sin mentionar si o non io mesme esseva de accordo con ille.

Ma ben, pro uso in manuales e generalmente in materiales didactic. io me
senti satis de accordo con ille, forsan specialmente proque mi lingua es
danese, un del linguas ubi non existe le sono [ʒ].

Ma alteremente io es toto de accordo con lo que tu scribe in supra. Le sage
solution pedagogic de Ingvar non pote o debe reimplaciar ulle cosa in le
obra de IALA. Basicamente il es e remane un facto que in interlingua le
pronunciation de j e de g in -age es [ʒ].

De facto io pro isto anque opina que il deberea esser assi anque in le
Thesauro, que generalmente deberea esser fidel a IALA plus tosto que a
preferentias e opiniones personal.

Bent


--
Pro leger le archivos e pro modificar o cancellar le subscription:
http://listserv.icors.org/archives/interlng.html